၂၀၂၄ ခုနှစ်၊ ဇန်နဝါရီ ၁ ရက်မှ ဒီဇင်ဘာ ၃၁ ရက်အထိ( ၁ နှစ်)အတွင်း ပြည်ပနိုင်ငံများသို့ ဆန်/ဆန်ကွဲတင်ပို့မှုမှ အမေရိကန်ဒေါ်လာ(၁၃၃၁ ဒသမ ၈၉၉)သန်းရရှိခဲ့သည်ဟု မြန်မာနိုင်ငံဆန်စပါးအသင်းချုပ်၏ ဖေဖော်ဝါရီ ၁ ရက်ထုတ်ပြန်ချက်အရ သိရသည်။
မြန်မာနိုင်ငံဆန်စပါးအသင်းချုပ်၏ စာရင်းများအရ ကုမ္ပဏီ(၁၀၃)ခုမှ ပြည်ပနိုင်ငံ(၄၉)နိုင်ငံသို့ ပို့ကုန်တင်ပို့မှုအဖြစ် ဆန်/ဆန်ကွဲတန်ချိန် (၂၇၆၇၄၁၄)တန်တင်ပို့ခဲ့ပြီး ပို့ကုန်ဝင်ငွေအဖြစ် အမေရိကန်ဒေါ်လာ(၁၃၃၁ ဒသမ ၈၉၉)သန်းရရှိခဲ့ကြောင်း သိရသည်။
ထို့ကြောင့် စိုက်ပျိုးထုတ်လုပ်သူ တောင်သူလယ်သမားအစုအဖွဲ့များ၊ စိုက်ပျိုးရေးသမဝါယမ အသင်းအဖွဲ့များနှင့် ဆန်စက်လုပ်ငန်းများအပါအဝင် ၂၀၂၅ ခုနှစ်၌ ဆန်/ဆန်ကွဲ ပြည်ပတင်ပို့မှုလုပ်ငန်း၌ ပါဝင်ဆောင်ရွက်လိုသည့် ကုမ္ပဏီများကိုလည်း ပို့ကုန်လုပ်ငန်းတွင်ပူးပေါင်းပါဝင်ရန် မြန်မာနိုင်ငံဆန်စပါးအသင်းချုပ်က ဖိတ်ခေါ်ထားကြောင်း သိရသည်။
ထိုသို့ ဖိတ်ခေါ်ထားပြီးဖြစ်၍ လိုအပ်သည့်ဈေး ကွက်ဆိုင်ရာ/လုပ်ငန်းပိုင်းဆိုင်ရာများကို ချိတ် ဆက်ကူညီပေးသွားရန် မြန်မာနိုင်ငံဆန်စပါးအ သင်းချုပ်က စီစဉ်ဆောင်ရွက်လျက်ရှိကြောင်း သိရသည်။
မြန်မာနိုင်ငံဆန်စပါးအသင်းချုပ်၌ ၂၀၂၃ ခုနှစ်၊ ဒီဇင်ဘာလကုန်အထိ အသင်းဝင်ထားသည့် ကုမ္ပဏီ/အဖွဲ့အစည်း(၉၈၀)ရှိရာမှ ၂၀၂၄ ခုနှစ်၊ ဒီဇင် ဘာလကုန်တွင် အသင်းဝင်ထားသည့် ပြည်တွင်း/ပြည်ပမှ ကုမ္ပဏီ/အဖွဲ့အစည်း(၁၁၉၆)အ ထိရှိလာခဲ့သဖြင့် မြန်မာနိုင်ငံဆန်စပါးအသင်းချုပ်မှ ပိုမိုကောင်းမွန်သော ဝန်ဆောင်မှုများ၊ ပိုမိုထိရောက်သောသတင်းအချက်အလက်ဖြန့်ဝေမှုများနှင့် ပိုမိုအားကောင်းသောပူးပေါင်းဆောင် ရွက်မှုများကို စီစဉ်ဆောင်ရွက်သွားမည်ဖြစ် ကြောင်း သိရသည်။