၁၉၉၆ ခုနှစ်က ပြည်ပြေးအရပ်သားများ တင်ဆောင်လာသော လေယာဉ်နှစ်စင်းကို ကျူးဘားဂျက်တိုက်လေယာဉ်များက ပ-စ်ချခဲ့ပြီး လူလေးဦး ေ-သဆုံးခဲ့သည့် ဖြစ်ရပ်နှင့်ပတ်သက်၍ ကျူးဘားသမ္မတဟောင်း ရာအူးလ် ကက်စထရိုနှင့် အခြားတာဝန်ရှိသူများကို ရာဇဝတ်ပြစ်မှုများဖြင့် တရားစွဲဆိုလိုက်ကြောင်း အမေရိကန် တရားရေးဌာနက မေ ၂၀ ရက်တွင် ထုတ်ပြန်ကြေညာခဲ့သည်။
သို့သော် စွဲချက်များကို မည်သည့်အချိန်တွင်၊ မည်သို့အကောင်အထည်ဖော်မည်ဆိုသည်ကို အမေရိကန်သမ္မတ ဒေါ်နယ်ထရမ့်ပ် အပါအဝင် တာဝန်ရှိသူများက အသေးစိတ်ထုတ်ဖော်ပြောကြားခြင်း မရှိသေးပေ။
အမေရိကန် ယာယီရှေ့နေချုပ် တော့ဒ် ဘလန်ချီက “ကက်စထရိုအနေဖြင့် မိမိဆန္ဒအလျောက်ဖြစ်စေ၊ အခြားနည်းလမ်းတစ်ခုခုဖြင့်ဖြစ်စေ အမေရိကန်တွင် တရားရင်ဆိုင်ရမည်ဟု မျှော်လင့်ကြောင်း” ပြောကြားခဲ့သည်။
ထို့အပြင် ဗင်နီဇွဲလားသမ္မတ နီကိုလပ်စ် မာဒူရိုအား ဖမ်းဆီးခေါ်ဆောင်ခဲ့သကဲ့သို့ ကက်စထရိုကိုပါ စစ်ဆင်ရေးဖြင့် ခေါ်ဆောင်လာမည်လားဆိုသည့် မေးခွန်းကိုမူ ထရမ့်ပ်က တို-က်ရို-က်ဖြေကြားခြင်း မပြုဘဲ “အဲဒီအကြောင်း မပြောချင်ဘူး” ဟုသာ သတင်းထောက်များကို ပြောကြားခဲ့သည်။
ထရမ့်ပ်အစိုးရသည် ကျူးဘားတွင် အစိုးရအပြောင်းအလဲ ဖြစ်ပေါ်လာရေးကို ဖိအားပေးလျက်ရှိပြီး၊ ဇန်နဝါရီလအတွင်း မာဒူရိုကို ဖမ်းဆီးခဲ့ပြီးနောက် “နောက်တစ်နိုင်ငံမှာ ကျူးဘားဖြစ်လာနိုင်သည်” ဟု သတိပေးပြောဆိုထားသည်။
အမေရိကန် နိုင်ငံခြားရေးဝန်ကြီး မာကို ရူဘီယိုက ကျူးဘားပြည်သူများ ကြုံတွေ့နေရသည့် အခက်အခဲများသည် ကွန်မြူနစ်အစိုးရ၏ မူဝါဒများကြောင့်ဖြစ်ကြောင်း ပြောဆိုခဲ့သော်လည်း၊ ကျူးဘားသမ္မတ မီဂဲလ် ဒီယက်ဇ်-ကန်နယ်ကမူ အမေရိကန်၏ စီးပွားရေးပိတ်ဆို့မှုများကြောင့် ပြည်သူများ ဒုက္ခရောက်နေရခြင်းဖြစ်ကြောင်း တုံ့ပြန်ပြောကြားခဲ့သည်။
ထို့ပြင် အမေရိကန်၏ အရေးယူပိ-တ်ဆို့မှုများသည် “စုပေါင်းပြစ်ဒ-ဏ်ပေးသည့် လုပ်ရပ်” ဖြစ်ပြီး လူမျိုးတုံးသတ်ဖြတ်မှုဆန်သည့် အပြုအမူတစ်ရပ်အဖြစ် မြင်ကြောင်းလည်း ၎င်းက ဆိုသည်။
ရာအူးလ် ကက်စထရိုအပေါ် တရားစွဲဆိုမှုကို ကျူးဘား-အမေရိကန် အသိုင်းအဝိုင်းအချို့က ကြိုဆိုခဲ့ကြသော်လည်း၊ ဟာဗားနားဒေသခံအချို့ကမူ မိမိတို့အစိုးရဘက်မှ ရပ်တည်ကြောင်းနှင့် အမေရိကန်က ကျူးကျော်လာပါက တန်ပြန်တိုက်ခိုက်ရန် အသင့်ရှိကြောင်း ပြောဆိုခဲ့ကြသည်။
Ref: CBC