အသက် ၁၈ နှစ်အောက် ကလေ-းများသည် ဆိုရှယ်မီဒီယာအကောင့်များ ဖွင့်ပါက မိဘ၏ သဘောတူခွင့်ပြုချက်လိုအပ်မည်ဖြစ်သော ဒစ်ဂျစ်တယ် ကိုယ်ရေးအချက်အလက်ကာကွယ်ရေး နည်းဥပဒေမူကြမ်းကို အိန္ဒိယဗဟိုအစိုးရက သောကြာနေ့တွင် ထုတ်ပြန်ခဲ့သည်။
ကလေ-းငယ်၏ ကိုယ်ရေးအချက်အလက်များကို မလုပ်ဆောင်မီတွင် မိဘ၏ ခွင့်ပြုချက် ရယူရန်နှင့် ဂရုတစိုက် စောင့်ထိန်းသွားရန် သင့်လျော်သော နည်းပညာနှင့် အဖွဲ့အစည်းဆိုင်ရာ အစီအမံများကို ချမှတ်ရမည်ဟု အများက စောင့်မျှော်နေကြသည့် နည်းဥပဒေမူကြမ်းတွင် ဖော်ပြထားသည်။
သို့ရာတွင် ဥပဒေချိုးဖောက်မှုအတွက် ပြစ်ဒဏ်ကိုမူ ဥပဒေကြမ်းတွင် ဖော်ပြထားခြင်း မရှိပေ။
အီလက်ထရွန်းနစ်နှင့် သတင်းအချက်အလက်နည်းပညာဝန်ကြီးဌာန(Meity) က အစိုးရ၏ နိုင်ငံသားထိတွေ့ဆက်ဆံမှု ပလက်ဖောင်းဖြစ်သည့် MyGov.in မှတဆင့် နည်းဥပဒေမူကြမ်း ကို ကန့်ကွက်ခြင်းနှင့် အကြံပြုခြင်းများ ပြုလုပ်နိုင်ရန် အများပြည်သူကို ဖိတ်ခေါ်ကြောင်း ၎င်း၏ အမိန့်ကြော်ငြာစာတွင် ဖေါ်ပြထားသည်။ အကြံပြုချက်များကို ၂၀၂၅ ခုနှစ် ဖေဖော်ဝါရီလ ၁၈ ရက်နောက်ပိုင်းတွင် ထည့်သွင်းစဉ်းစားမည်ဖြစ်သည်ဟု ဆိုခဲ့သည်။
E-commerce၊ ဆိုရှယ်မီဒီယာနှင့် ဂိမ်းပလက်ဖောင်းများအားလုံးသည် ဒေတာအကာအကွယ်ပေးခြင်း အမျိုးအစားအောက် ရောက်ရှိလာမည်ဖြစ်သည်။
Ref: ဟင်ဒူစတန်တိုင်းမ်စ်၊ အင်းဒိယတူဒေး