ငွေသော်တာ ရုပ်ရှင်ထုတ်လုပ်ရေးမှ ပွဲဦးထွက်ရိုက်ကူးမယ့် “ရွှေကြာ” ရုပ်ရှင်ဇာတ်ကားကန်တော့ပွဲနှင့် ဇာတ်ကားရိုက်ကူးမှုဆိုင်ရာ စာချုပ်ချုပ်ဆိုခြင်းအခမ်းအနား ကိုဖေဖော်ဝါရီလ၂၃ရက်နေ့ မနက်၉နာရီက ဆီဒိုးနား ဟိုတယ်မှာ ပြုလုပ်ခဲ့ပါတယ်။ ဒီဇာတ်ကားက ဆရာမ ပုညခင်ရဲ့ ‘အရှေ့တံခါးအဝင်” ဝတ္ထုကို ဒါရိုက်တာဝိုင်းက “ရွှေကြာ” ဟု အမည်ပြောင်းလဲကာ ရိုက်ကူး ပုံဖော်မှာဖြစ်ပြီး အလင်းရောင်၊ ဖွေးဖွေး၊ သင်ဇာဝင့်ကျော်၊ ခင်ဇာခြည် ကျော်၊ မင်းခ တို့က အဓိကသရုပ်ဆောင်သွားမှာ ဖြစ်ပါ တယ်။ ဒီအခမ်းအနားက တခြားဇာတ်ကားကန်တော့ပွဲတွေလိုမျိုး မဟုတ်ဘဲ အနုပညာရှင်များနဲ့ ထုတ်လုပ်သူ နှစ်ဦးနှစ်ဖက်ကြား ဇာတ်ကားရိုက်ကူးမှုဆိုင်ရာ စာချုပ် ချုပ်ဆိုခြင်းအစီအစဉ်လည်း ထူးခြားစွာပါဝင်တာ တွေ့ရပါတယ်။ ဒီဇာတ်ကားက ပြည့်တန်ဆာမလေးတွေရဲ့ ဘဝကို ရိုက်ကူးပုံဖော်မယ့် ဇာတ်လမ်းဖြစ်ပြီး ဒီပွဲမှာ ဝတ္ထုရေးသားတဲ့ စာရေးဆရာမပုညခင်က ဒီဝတ္ထုကို ရေးသားတဲ့ ရည်ရွယ်ချက်၊ ကြုံတွေ့ရတဲ့အတွေ့အကြုံ၊ ငွေသော်တာ ရုပ်ရှင်ထုတ်လုပ်ရေးနဲ့ အလုပ်လုပ်ဖြစ်တဲ့ အကြောင်းနဲ့ ဒါရိုက်တာဝိုင်းနဲ့ပြန်ပြီး လက်တွဲအလုပ်လုပ်ဖြစ်ပုံ အကြောင်းများကို ပြောပြခဲ့ပါတယ်။ ဒီဇာတ်ကားကို ရိုက်ကူးပုံဖော်မယ့် ဒါရိုက်တာဝိုင်းကလည်း ..
” ဒီဇာတ်ကားကို ကျွန်တော့်ကို ရိုက်ကူးဖို့ ကမ်းလှမ်းခဲ့တဲ့ ငွေသော်တာ ရုပ်ရှင်ထုတ်လုပ်ရေးပိုင်ရှင် ဦးစိုင်း ပြည့်စုံနဲ့ ဒေါ်လေးသန္တာမြင့်တို့ကို ကျေးဇူးတင်ပါတယ်။ နောက် ကျေးဇူးတင်ရမယ့်သူက ကျွန်တော်နဲ့အမြဲလိုလို ရန်ဖြစ် လေ့ရှိတဲ့ စာရေးဆရာမ ပုညခင်ပါ။ ဘာဖြစ်လို့ လဲဆိုတော့ ဒီဇာတ်ကားကို ရိုက်ကူးဖို့အတွက် ကိုစိုင်းတို့၊ မလေးတို့ကို ကိုဝိုင်းနဲ့ ရိုက်ကူးပါလို့ သူပဲတိုက်တွန်းပေးခဲ့ တာဖြစ်ပါတယ်။ နောက်တစ်ခုကတော့ ကျွန်တော့်ရဲ့ ပရိသတ်ပေါ့။ ကျွန်တော်က ပြောပြီးရင်ဖြစ်အောင် လုပ်တတ်တဲ့အကျင့် ရှိပါတယ်။ ကျွန်တော် ၂ဝ၁၆ ဖိုရမ်မှာ ပြောခဲ့ပါတယ်။ စာချုပ်ရအောင်ချုပ်မယ်လို့။ အဲဒီစာချုပ်ဖြစ်ဖို့အတွက် ကျွန်တော့်ရဲ့စည်းမျဉ်းစည်း ကမ်းတွေကို လိုက်နာပြီး လက်မှတ်ထိုးပေးခဲ့တဲ့ သရုပ်ဆောင်များကို ကျေးဇူးတင်စကားပြောကြားလိုပါတယ်။ ဇာတ်ကားရိုက်ကူးဖို့ငှားတာပဲ ပိုက်ဆံပေးရင်ရတာပေါ့။ ဘာကျေးဇူးတင်စကား ပြောစရာရှိလဲဆို ပြောစရာရှိပါတယ်။ “ရွှေကြာ’လို့ ဖြစ်လာမယ့် “အရှေ့ တံခါးအဝင်” ဝတ္ထုကိုဖတ်ပြီးတဲ့အချိန်မှာပဲ ကျွန်တော့်ရဲ့ အတွေ့အကြုံနဲ့ ဒီဟာကရုပ်ရှင်ဇာတ်ကားကောင်းတစ်ကားဖြစ်ရမယ်ဆိုတာ ကျွန်တော်သိနေပါတယ်။ ကျွန်တော်လုပ်ချင်တဲ့ ဇာတ်ညွှန်းပုံသဏ္ဋာန် အသစ်တစ်ခု ပရိသတ်ကိုချပြ နိုင်မယ့်လမ်းကြောင်းတစ်ခု ကျွန်တော် တွေ့နေပါတယ်။ အဲဒီအချိန်မှာ မပုညခင်နဲ့ကျွန်တော်နဲ့က ကတောက်ကဆ ဖြစ်ထားတယ်။ ကြားထဲကတစ်ဆင့် ကူလီကူမာလုပ်ပြီး တစ်ယောက်ကို ဝယ်ခိုင်းပါတယ်။ ဒါပေမဲ့ ကျွန်တော်နဲ့ အဲဒီအချိန်က ကံမစပ်လို့လားမသိဘူး။ ဝယ်ခါနီးနာရီပိုင်း အလိုမှာ မလေးသန္တာမြင့် ဝယ်သွားပါတယ်။ နည်းနည်း စိတ်ဓာတ်ကျသွားပါတယ်။ ဒါပေမဲ့ ကျွန်တော့်စေတနာမှန်လို့လားမသိဘူး။ ကျွန်တော့်ဆီ ပြန်ရောက်လာပါတယ်။ ကျွန်တော် ဒီဇာတ်ကားမှာ ပါဝင်တဲ့သရုပ်ဆောင်နဲ့ ကျန်တဲ့အဖွဲ့သားအားလုံးကို ပြောကြားချင်တာက ကျွန်တော်တို့ဒီအလုပ်အပေါ်မှာ စေတနာထားပြီး အလုပ်လုပ်မယ်ဆိုရင် ကျွန်တော်ပြောရဲပါတယ်။ ဒီ “ရွှေကြာ”သည် အနုပညာအရရော၊ စီးပွားရေးအရပါ ကျိန်းသေပေါက်အောင်မြင်မယ်လို့ ပြောရဲပါတယ်” လို့ ပြောပါတယ်။ ဒီဇာတ်ကားကို မတ်လ ၁ ရက်နေ့မှာ စတင် ရိုက်ကူးသွားမှာဖြစ်ကြောင်းသိရပါတယ်။
P-060
ဓာတ်ပုံ- မင်းမင်းထွန်း