အာဆီယံနှင့်ဆက်ဆံရေး ပုံမှန်ပြန်ဖြစ်ရန် မြန်မာ၏ ကြိုးပမ်းမှုကို ထိုင်း ထောက်ခံမည်

အရှေ့တောင်အာရှနိုင်ငံများအသင်း အာဆီယံနှင့် ငါးနှစ်ကြာ ဆက်ဆံရေးဝေးကွာနေခဲ့ပြီးနောက် ဆက်ဆံရေးကို ပုံမှန်ပြန်ဖြစ်စေရန် မြန်မာနိုင်ငံ၏ ကြိုးပမ်းမှုတွင် ထိုင်းနိုင်ငံက ဦးဆောင်အခန်းကဏ္ဍမှ ပါဝင်လိုကြောင်း ထိုင်းနိုင်ငံခြားရေးဝန်ကြီးက ဗုဒ္ဓဟူးနေ့တွင် သမ္မတ ဦးမင်းအောင်လှိုင်နှင့် တွေ့ဆုံမှုမတိုင်မီ ထုတ်ဖော်ပြောကြားခဲ့သည်။

မကြာသေးမီက ရွေးကောက်ပွဲအပြီးတွင် ဦးမင်းအောင်လှိုင်ကို ဧပြီလ ၃ ရက်နေ့တွင် လွှတ်တော်က သမ္မတအဖြစ် ရွေးကောက်တင်မြှောက်ခဲ့သည်။

သူတို့အာဆီယံကို ပြန်လာတာကို ကျွန်တော်တို့ ထောက်ခံလိုပါတယ်။ ကျွန်တော်တို့ရဲ့ မူဝါဒက “သူတို့ကို ပြန်ခေါ်လာဖို့အတွက် ကျွန်တော်တို့နဲ့ ထိတွေ့ဆက်ဆံမှုမှာ ဆောင်ရွက်စရာ ရှိတာတွေကို လုပ်ဆောင်ဖို့ပါပဲ” ဟု ထိုင်းနိုင်ငံခြားရေးဝန်ကြီး ဆီဟာဆက် ဖောင်ကက်ကောက သတင်းထောက်များကို ပြောကြားခဲ့သည်။

“ဒါပေမဲ့ သူတို့အာဆီယံကို ပြန်လာဖို့အတွက် အာဆီယံရဲ့ စိုးရိမ်ပူပန်မှုတွေကို ဆက်လက်တုန့်ပြန်ဆောင်ရွက်ရပါမယ်” ဟု သူက ဆိုသည်။

မြန်မာနိုင်ငံသည် အာဆီယံ၏ အစိတ်အပိုင်းတစ်ခုအဖြစ် ဆက်လက်တည်ရှိနေမှုအတွက် ထိပ်တန်းအဆင့် အစည်းအဝေးများတွင် ဝန်ကြီးအဆင့်အရာရှိများက နိုင်ငံကို ကိုယ်စားပြု ၍ တက်ရောက်ခဲ့သည်။

အဖွဲ့ဝင် ၁၁ နိုင်ငံပါ အာဆီယံအဖွဲ့သည် မြန်မာအစိုးရသစ်ကို တရားဝင် အသိအမှတ်မပြုရသေးပါ။ အာဆီယံခေါင်းဆောင်များသည် လာမည့်လတွင် ဖိလစ်ပိုင်နိုင်ငံတွင် ထိပ်သီးအစည်းအဝေးတစ်ခု ကျင်းပမည်ဖြစ်သည်။

ဦးဝင်းမြင့်ကို ပြန်လွှတ်ပေးခြင်းနှင် ဒေါ်အောင်ဆန်းစုကြည်ကို ပြစ်ဒ-ဏ်လျှော့ချပေးခြင်း အပါအဝင် ပြီးခဲ့သည့်အပတ်က အကျဉ်းသားထောင်ပေါင်းများစွာအတွက် မြန်မာနိုင်ငံ၏ လွတ်ငြိမ်းခွင့်ပေးခဲ့ခြင်းကို ဆီဟာဆက်က ကြိုဆိုခဲ့သည်။

“ဒီလိုလုပ်ဆောင်ချက်တွေ ပိုပြီးလုပ်ဆောင်လာမယ်လို့ မျှော်လင့်ပါတယ်” ဟု ၎င်းက ပြောကြားခဲ့သည်။

“ဒုတိယအချက်အနေနဲ့ မြန်မာနိုင်ငံမှာ လူသားချင်းစာနာထောက်ထားမှု အကူအညီတွေ လိုအပ်နေပြီး အာဆီယံ ဒါမှမဟုတ် နိုင်ငံတကာအဖွဲ့အစည်းတွေအတွက် ဘယ်လိုနေရာလွတ်တွေ ဖွင့်လှစ်ပေးနိုင်မလဲဆိုတာ ကျွန်တော်တို့ သိပါတယ်” ဟု ၎င်းက ဆိုခဲ့သည်။

Ref: သယ်စတား