သရုပ်ဆောင်ဘေဘီမောင်က အနုပညာအလုပ်အပြင် စီးပွားရေး လုပ်ငန်းများကိုလည်း တွဲဖက်လုပ်ကိုင်နေတဲ့ သရုပ်ဆောင်တစ်ယောက် ဖြစ်ပါ တယ်။ အခုလက်ရှိသူ လုပ်ကိုင်နေတဲ့ စီးပွားရေးလုပ်ငန်းကတော့ ဖက်ရှင်ဆိုင် နဲ့အလှပြင်ဆိုင်တို့ပဲဖြစ်ပါတယ်။ သူ့အနေနဲ့ နောက်ထပ် လည်း တိုးချဲ့ပြုလုပ် သွားမယ့် စီးပွားရေးလုပ်ငန်းတွေရှိသလို သူ့အသက် ၃ဝ ကျော်ရင်လည်း အမေရိကားကို သွားရောက်ပြီး စီးပွားရေးလုပ်ငန်း တစ်ခုလုပ်ကိုင်ဖို့ ရှိကြောင်း ဘေဘီမောင်ကပြောပါတယ်။
“ညီမ အမေရိကားမှာ အလုပ်သွားလုပ်မှာ မဟုတ်ဘူး။ကိုယ်တိုင် ကိုယ့် စီးပွားရေးကို သွားလုပ်မှာပါ။ ဟိုမှာ မြန်မာနိုင်ငံအနေနဲ့ ဘာစီးပွား ရေးလုပ် လို့ရမလဲ ဆိုတာမျိုးလေးပေါ့။ အဒေါ်တွေကလည်း ဟိုမှာရှိနေ တယ်။ သူတို့က လည်း အဲဒီမှာ ဆူရှီဆိုင်တွေဖွင့်ထားတယ်။ အဲဒီလိုဆို တော့ ကိုယ်လည်း ဟိုမှာဆိုင်ဖွင့်ဖို့ ရည်ရွယ်တာပါ။ အမေရိကားမှာက ဆူရှီဆိုင်တော်တော်များများ ဖွင့်ကြတာရှိတယ်။ ညီမလည်း ဆူရှီဆိုင်ပဲ ဖြစ်မလား၊ ဒါမှမဟုတ် သူတို့တွေ မြန်မာနိုင်ငံက ဘယ်အစားအစာတွေ ကြိုက်နှစ်သက်လဲ။ အဲဒါမျိုးတွေ လေ့ လာပြီးလုပ်သွားမယ်။အခုလောလောဆယ်တော့ အမေရိကားက အဒေါ်နဲ့ တိုင်ပင်နေတယ်”လို့ ပြောပြပါတယ်။ ခုချိန်မှာ သူ့အသက်က ၂၇ နှစ်ရှိ သွား ပြီဖြစ်တဲ့အတွက် ဒီ စိတ်ကူးကို အကောင်အထည်ဖော်နိုင်ဖို့က နောက် ၃ နှစ်သာလိုပါတော့တယ်။ ဒီ့အတွက် သူဘာတွေ ပြင်ဆင်ထားလဲ ဆိုတာကို ဘေဘီမောင် က…
“ပိုက်ဆံတော့ များများ စုဆောင်းထားရတာပေါ့။ ပြီးတော့ ကိုယ်က ပညာတတ်ကြီး မဟုတ်တဲ့ အခါကျတော့ စာတွေပြန်ပြီး လေ့လာနေရတယ်။ ကိုယ်လုပ်ကိုင်မယ့် စီးပွားရေးအတွက်က ဟိုမှာလူခံရှိတဲ့အခါကျတော့ နည်း နည်းအဆင်ပြေပါတယ်။ လိုအပ်မယ့်အရာ အားလုံးအတွက်ကိုလည်း အဒေါ်နဲ့ တိုင်ပင်နေပါတယ်။ အခုလို အမေရိကား မှာ စီးပွားရေးသွား ရောက်လုပ်ကိုင် မယ်ဆိုတာကလည်း တစ်ရွာမပြောင်း သူ ကောင်းမဖြစ်ဆိုတဲ့ စကားအတိုင်း ရော၊ ပြီးတော့ မိဘတွေ မောင်လေး၊ ညီမလေးတွေကို ဒီထက်ကောင်းကောင်း မွန်မွန်ပြည့်ပြည့်စုံစုံနဲ့ ထားချင်တဲ့ ရည်ရွယ်ချက်ကြောင့်ပါ။ ပြီးတော့ ညီမက စွန့်စားပြီး လုပ်ကိုင်ရတဲ့ အလုပ်ကို သဘောကျတဲ့အတွက်ကြောင့်ပါ” လို့ ပြော ပြခဲ့ပါတယ်။
ဇင်မာနွယ်
ဓာတ်ပုံ-ဇော်ဝင်းအောင်