သာသနာရေးနှင့် ယဉ်ကျေးမှုဝန်ကြီးဌာနအနေဖြင့် မြန်မာ့သနပ်ခါးနေ့ အထိမ်းအမှတ် မြန်မာ့သနပ်ခါး ယဉ်ကျေးမှုဓလေ့များနှင့်ပတ်သက်၍ ပြည်သူလူထုအား ပညာပေးလှုပ်ရှားမှုအဖြစ် ပညာပေးအစီအစဉ်အဖြစ် ဖေဖော်ဝါရီလ (၇) ရက်မှစ၍ မတ်လ(၃၁) ရက်အထိ ဆောင်ရွက်လျက်ရှိရာ ယမန်နေ့ ဖေဖေါ်ဝါရီ(၁၅) ရက် နံနက်ပိုင်းတွင် အမျိုးသားပြတိုက် (ရန်ကုန်)၌ ပြည်သူလူထုအား ပညာပေးလှုပ်ရှားမှုအစီအစဉ်ကို ကျင်းပခဲ့ကြောင်း သိရသည်။
အဆိုပါ “မြန်မာ့သနပ်ခါးနေ့” အထိမ်းအမှတ် လှုပ်ရှားမှုအစီအစဉ်သို့ သာသနာရေးနှင့် ယဉ်ကျေးမှုဝန်ကြီးဌာန ဒုတိယဝန်ကြီး ဒေါ်နုမြဇံ တက်ရောက် အားပေးခဲ့ကြောင်းလည်း သိရသည်။
အမျိုးသားပြတိုက် ( ရန်ကုန် ) ဒုတိယထပ် Lobby တွင် ရှားပါး မြန်မာ့သနပ်ခါး ကျောက်ပျဉ်နှင့် မှန်တင်ခုံများ၊ Ho lographic Fan များ၊ ၆၂ လက်မ ရှိသော TV ဖြင့် အမျိုး သားပြတိုက် ( ရန်ကုန် ) ၏နေ့စဉ် သနပ်ခါးလှုပ်ရှားမှု ဓာတ် ပုံမှတ်တမ်းများ၊ ဗီဒီယိုမှတ်တမ်းများ၊ သနပ်ခါးသီချင်းများကိုပြသလျက်ရှိရာ မေရီချက်(ပ်)မင်း ဆွံ့အနားမကြားကျော င်း၊ ကိုယ်ပိုင်ကျောင်းများနှင့် ရန်ကုန်တိုင်းဒေသကြီးအတွင်းရှိ ကျောင်းများမှ ကျောင်းသားကျောင်းသူများ ပြည်သူလူထုများ လာရောက်လေ့လာရာ ဒုတိယဝန်ကြီး ဒေါ်နုမြဇံ၊ အမျိုးသားပြတိုက် ( ရန်ကုန် ) ညွှန်ကြားရေးမှူး ဒေါ်နန်းလောဝ်ငင်းနှင့် တာဝန်ရှိသူများက မြန်မာ့သနပ်ခါး၏ အသုံးဝင်ပုံ၊ မြန်မာတို့၏နေ့စဉ်ဘဝအတွက် အရေးပါကြောင်း မြန်မာ့သ နပ်ခါး၏ ထူးခြားမှုအကြောင်းများကို ပညာပေးဟောပြောပြီး လာရောက်လေ့လာကြသည့် ကျောင်းသား ကျောင်းသူများက ကိုယ်တိုင်သနပ်ခါးသွေး၍ ပျော်ရွှင်စွာ လိမ်းခြယ်စေခြင်းတို့ကို ဆောင်ရွက်ခဲ့ကြသည်။
ဗုဒ္ဓဘာသာဝင် မြန်မာလူမျိုးတို့သည် မြတ်စွာဘုရားရှင်အား နံ့သာမီးဖြင့် ပူဇော်ကြသည့် ဓလေ့ ထုံးတမ်းအစဉ်အလာကို အစွဲပြု၍ ၂၀၂၁ ခုနှစ် တပို့တွဲလပြည့်နေ့ကို မြန်မာ့သနပ်ခါးနေ့ အဖြစ် သတ်မှတ်ပေးခဲ့ခြင်းဖြစ်ကြောင်း သိရသည်။
မြန်မာ့သနပ်ခါး ယဉ်ကျေးမှုဓလေ့ကို ယူနက်စကိုတွင် အမည်စာရင်းတင်သွင်းနိုင်ရေးအတွက် ပြည်သူများ၏ ပူးပေါ င်းပါဝင်မှုရှိရန် လိုအပ်လျက်သဖြင့် မြန်မာ့သနပ်ခါး ယဉ်ကျေးမှုဆိုင်ရာ အစီအစဉ်များတွင် နိုင်ငံသားအားလုံးပါဝင်ဆောင်ရွက်နိုင်ရန် ဖိတ်ခေါ်လျက်ရှိရာ သနပ်ခါးဆိုင်ရာ အထောက်အထား များကို ပြည်သူများမှပါဝင်ပြီး Practice of Thanakha Culture in Myanmar အချက်အလက်များ ဖြ ည့်သွင်းနိုင်ရန်အတွက် ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ပြတိုက်များတွင် ထားရှိသည့် QR Code ကို Scan ဖတ်၍လည်းကောင်း၊ Online စာမျက်နှာ ( https://docs.google. com/forms/d/e/1FAIpQLSeWC YIUWDb2Om36LyK9e_mgyaA6VXz8xioVZKnFNUNv6jWSog/viewform)မှ Google Form တွင် သနပ်ခါးဆိုင်ရာ အချက်အလက်များ ဖြည့်သွင်းနိုင်ကြောင်းလည်း သိရသည်။