ဂျိုရိုပင့်ကူဟု ခေါ်သော ပင့်ကူများသည် အမေရိကန်တစ်ဝန်းတွင် ပျံ့နှံ့နေလျှက်ရှိရာ မကြာမီတွင် နယူးယောက်မြို့တော်သို့ပျံ့နှံ့ရောက်ရှိလာမည်ဖြစ်ကြောင်း နယူးယောက်တိုင်းမ်စ် သတင်းစာကရေးသားထားသည်။ သို့ရာတွင် ယင်းပင့်ကူများသည် ကြောင်များကိုကြောက်ကြဖွယ်ရှိကြောင်း သုတေသီတို့က ဆိုကြသည်။
အရှေ့အာရှ ဇာတိဖြစ်သော ဂျိုရိုပင့်ကူတို့သည် လူ့လက်ဖဝါးအရွယ်အစားမျှရှိပြီး ဗျက် ၃ပေခန့်အထိရှိသော ပင်ကူအိမ်များကို ယက်လုပ်ကြကာ၊ လွန်ခဲ့သည့် ဆယ်စုနှစ်များကတည်းက အမေရိကန်ပြည်ထောင်စု အရှေ့တောင်ပိုင်းတစ်ခွင်သို့ ပျံ့နှံ့လာခဲ့ကြခြင်းဖြစ်သည်။
လေ့လာစမ်းသပ်ချက်များအရ ဂျိုရိုပင့်ကူတို့သည် အခြားပင့်ကူမျိုးစိတ်များထက် လူကိုပိုမိုကြောက်လန့်ကြကြောင်းသိရသည်။ ထို့ကြောင့် ယင်းပင့်ကူများသည် လူကိုတိုက်ခိုက်ရန်ထက် ငြိမ်သက်စွာနေရန် ပိုမိုလိုလားကြကြောင်း ဂျော်ဂျီယာတက္ကသိုလ်မှ ဇီဝဗေဒပညာရှင် ဒေါက်တာ အင်ဒီဒေးဗစ်က ပြောသည်။
အရှေ့အာရှ ဇာတိဖြစ်သော ဂျိုရိုပင့်ကူများကို ၂၀၁၃ ခုနှစ်ခန့်မှစ၍ ဂျော်ဂျီယာပြည်နယ် အရှေ့မြောက်ပိုင်းတွင် စတင်တွေ့ရှိခဲ့ကြခြင်းဖြစ်သည်။ ယင်းပင့်ကူများသည် အဝေးပြေးလမ်းမများတလျှောက်တွင် ဥများဥလေ့ရှိသောကြောင့် ပင့်ကူဥများသည် သင်္ဘောတင်ကွန်တိန်နာများအတွင်းသို့ ရောက်ရှိကာ နိုင်ငံတစ်ဝန်းသို့ ပျံ့နှံ့ကုန်ခြင်းဖြစ်ဖွယ်ရှိကြောင်း ဒေါက်တာဒေးဗစ်က ခန့်မှန်းသည်။
