မြန်မာနိုင်ငံတွင် ၂၀၂၁ ခုနှစ် က အဏာထိန်းမှုကို ဆန့်ကျင်ခဲ့သောကြောင့် ရာထူးမှဖြုတ်ချခံရသော်လည်း လန်ဒန်ရှိ သံတမန်အဆောက်အအုံမှ ထွက်ခွာရန် ငြင်းဆန်ခဲ့သူ ဗြိတိန်နိုင်ငံဆိုင်ရာ မြန်မာသံအမတ်ဟောင်း ဦးကျော်စွာမင်းကို ဗြိတိသျှရဲတပ်ဖွဲ့ကသံအမတ်ကြီး အိမ်တော် ကို ကျော်နင်းမှုဖြင့် တရားစွဲခဲ့ကြောင်း သိရသည်။
သံအမတ်ကြီးဟောင်း ဦးကျော်စွာမင်းသည် အနောက်မြောက်လန်ဒန်ရှိ သံအမတ်ကြီး၏ နေအိမ်တော်တွင် သံဆူးကြိုးများ၊ စီစီတီဗီကင်မရာများ တပ်ဆင်ကာ နေထိုင်ခဲ့သည်။
သူသည် မေလ ၃၀ ရက်နေ့ တွင် Westminster Magistrates တရားရုံးတွင် တရားရင်ဆိုင်ရမည်ဟု ရဲတပ်ဖွဲ့က ပြောဆိုသည်။
သူ့အပေါ် တရားစွဲဆိုမှုနှင့် ပတ်သက်၍ ဦးကျော်စွာမင်းက မှတ်ချက်ပေးရန် ငြင်းဆိုခဲ့သည်။
ယင်းကိစ္စနှင့် ပတ်သက်၍ မှတ်ချက်ပေးရန်တောင်းဆိုမှုကို ဗြိတိန်နိုင်ငံခြားရေးရုံးနှင့် လန်ဒန်ရှိ မြန်မာသံရုံးတို့ကလည်း လတ်တလောတွင် ဖြေကြားခြင်း မရှိသေးပေ။
အဆိုပါအမှုကို ရပ်တန့်ပေးရန်အတွက် ကြားဝင်ဆောင်ရွက်ပေးရန် လူ့အခွင့်အရေးအဖွဲ့တစ်ခုဖြစ်သည့် Myanmar Accountability Project က ဗြိတိန်ရှေ့နေချုပ်ကို တိုက်တွန်းထားကြောင်း သိရသည်။
Ref: Global Banking & Finance review