ရန်ကုန်တိုင်း၊ သင်္ဃန်းကျွန်းမြို့နယ်၊ သုဝဏ္ဏခွဲရုံရှိ ၆၆/ ၃၃ KV ၃၀ MVA ထရန်စဖော်မာ(No.1)သည် မေ ၂၅ ရက်ည ၁၁ နာရီ ၄၀ မိနစ်ခန့်က ဓာတ်အားပြတ်တောက်သွားခဲ့သဖြင့် လျှပ်စစ်စမ်းသပ်ရေးဆိုင်ရာစမ်းသပ်ချက်များကိုဆောင်ရွက်လျက်ရှိသည်ဟု ရန်ကုန်လျှပ်စစ်ဓာတ်အားပေးရေးကော်ပိုရေးရှင်း(YESC)က အသိပေးခဲ့သည်။
ထို့ကြောင့် MVA ထရန်စဖော်မာ(No.1)ဖြင့် ဓာတ်အားပေးထားသည့် သင်္ဃန်းကျွန်းမြို့နယ်ရှိ စံပြဆေးရုံ၊ နှင်းဥယျာဉ်အိမ်ရာ၊ နေနန်းသုခအိမ်ရာ၊ မိကျောင်းကန် (၁/၂/၃)၊ (ဆ/က)၊ (ဆ/ခ)၊ (ဇ/တောင်)၊ (ဇ/မြောက်)၊ ဆယ်သိန်း၊ စ/သုမင်္ဂလာရပ်ကွက်၊ (ဇောတိက+သုမင်္ဂ လာ)အိမ်ရာ၊ ဦးစံဖေ၊ ရန်အောင်၊ ဇဝန၊ (၁၆/၁/၂/၃/၄)၊က၊ ခ၊ ဂ၊ ဃ၊ (င/ခ)၊ ဗိုလ်ကံညွန့်ရပ်ကွက်နေရာတို့တွင် လျှပ်စစ်ဓာတ်အားပြတ်တောက်လျက်ရှိသည်။
ထိုသို့ ဓာတ်အားပြတ်တောက်မှုအတွက် ယင်းဓာတ်အားခွဲရုံရှိ ၆၆/၃၃ KV ၃၀ MVA ထရန်စဖော်မာ(No.2) ဖြင့် ယာယီဓာတ်အားပေးနိုင်ရန် လျှပ်စစ်ကျွမ်းကျင်ဝန်ထမ်းများကဆောင်ရွက်လျက်ရှိသည်ဟု YESC ကအသိပေးခဲ့သည်။