လှိုင်သာယာ(အနောက်ပိုင်း)မြို့နယ်၊ ရန်ကုန်အနောက်ပိုင်း နည်းပညာတက္ကသိုလ်တွင် ဇွန်၂၇က မြန်မာ့အီလက်ထရောနစ်မဲပေးစက်အကြောင်းကို ရှင်းလင်းပြသခဲ့သည်ဟု သိရသည်။
ရန်ကုန်မြောက်ပိုင်းခရိုင် ရွေးကောက်ပွဲကော်မရှင်အဖွဲ့ခွဲအတွင်းရေးမှူး ဦးမောင်မောင်တင်၊ အင်းစိန်မြို့နယ်ရွေးကောက်ပွဲကော်မရှင် အတွင်းရေးမှူး ဒေါ်ငြိမ်းငြိမ်းဇော်နှင့်ဝန် ထမ်းများမှ မြန်မာအီလက်ထရောနစ်မဲပေးစက်(MEVM)နှင့်ပတ်သတ်၍ ရှင်းလင်းဆွေးနွေးခဲ့ပြီး တက်ရောက်လာသော ဆရာ/ဆရာမများ၊ ကျောင်းသား/သူများအား အသိပညာပေးခြင်း၊ မြန်မာအီလက် ထရောနစ်မဲပေးစက်(MEVM)အား အသုံးပြု၍ လက်တွေ့စမ်းသပ်မဲပေးလေ့လာခြင်းများဆောင်ရွက်ခဲ့ကြသည်ဟု ဆိုသည်။
ရှင်းလင်းပွဲတွင် ရန်ကုန်အနောက်ပိုင်းနည်းပညာတက္ကသိုလ် ပါမောက္ခချုပ်ဒေါက်တာကြည်စိုး၊ ဒုတိယပါမောက္ခချုပ်ဒေါက်တာဒေါ်ခင်လှလှဝင်း၊ ရန်ကုန်အနောက်ပိုင်း နည်းပညာတက္ကသိုလ် ဆရာ/ဆရာမ/ဝန်ထမ်း (၂၇၂)ဦး၊ ကျောင်းသား/ကျောင်းသူ သူ(၇၇၇)ဦး၊ စုစုပေါင်းအင်အား(၁,၀၄၉)ဦးခန့် တက်ရောက်ခဲ့ကြကြောင်းလည်း သိရသည်။