မြန်မာနိုင်ငံ၌ လျှပ်စစ်သုံးယာဥ်အမျိုးမျိုးတပ်ဆင်ထုတ်လုပ်ခြင်းအပါအဝင် ရင်းနှီးမြှုပ်နှံမှုလုပ်ငန်းအသစ်(၁၄)ခုကို ဇန်နဝါရီ ၃၀ ရက်မွန်း လွဲပိုင်းကကျင်းပသည့် မြန်မာနိုင်ငံရင်းနှီးမြှုပ်နှံ မှုကော်မရှင်၏ (၁/၂၀၂၅)ကြိမ်မြောက်အစည်း အဝေးမှ ခွင့်ပြုပေးခဲ့သည်။
အဆိုပါ အစည်းအဝေးအား နစက ဒု-ဝန်ကြီးချုပ်နှင့် မြန်မာနိုင်ငံရင်းနှီးမြှုပ်နှံမှုကော်မရှင်ဥက္ကဋ္ဌ ဗိုလ်ချုပ်ကြီးမြထွန်းဦးနှင့် ကော်မရှင်အဖွဲ့ဝင်များတက်ရောက်ခဲ့ကြသည်။
အစည်းအဝေး၌ လျှပ်စစ်သုံးယာဉ်အမျိုးမျိုး တပ်ဆင်ထုတ်လုပ်ခြင်းလုပ်ငန်းများ၊ စိုက်ပျိုး ရေးလုပ်ငန်းသုံးပစ္စည်းများထုတ်လုပ်ခြင်းလုပ် ငန်း၊ ဟိုတယ်ဝန်ဆောင်မှုလုပ်ငန်းနှင့် နိုင်ငံတ ကာအဆင့်မီကျန်းမာရေးဝန်ဆောင်မှုလုပ်ငန်း၊ ဝန်ဆောင်မှုကဏ္ဍ၊ စက်မှုကဏ္ဍ၊ ဟိုတယ်နှင့်ခရီးသွားကဏ္ဍတို့တွင် ရင်းနှီးမြှုပ်နှံမည့်လုပ်ငန်းအသစ်(၁၄)ခုကို ခွင့်ပြုပေးခဲ့သည်။
ရင်းနှီးမြှုပ်နှံမှုအသစ်(၁၄)ခုသည် ပြည်တွင်း/ပြည်ပမှဖြစ်ပြီး ရင်းနှီးမြှုပ်နှံမှုပမာဏမှာ အမေရိကန်ဒေါ်လာ(၃ ဒသမ ၆၈၄)သန်းနှင့် ငွေကျပ် (၃၄၅၈၆၃ ဒသမ ၀၄၃)သန်းဖြစ်ပြီး မြန်မာနိုင်ငံသား(၁၅၄၄)ဦး အလုပ်အကိုင်များရရှိမည်ဖြစ် သည်။
၂၀၂၄ ခုနှစ်၊ ဒီဇင်ဘာလကုန်အထိ မြန်မာနိုင်ငံတွင်ရင်းနှီးမြှုပ်နှံထားသည့် နိုင်ငံ/ဒေသပေါင်း (၅၃)ခုအနက် ရင်းနှီးမြှုပ်နှံမှုအများဆုံးမှာ စင်ကာပူ၊ တရုတ်နှင့် ထိုင်းနိုင်ငံတို့ဖြစ်ပြီး စီးပွားရေးကဏ္ဍ(၁၂)ရပ်အနက် အများဆုံးရင်းနှီးမြှုပ်နှံထားသည့်ကဏ္ဍများမှာ စွမ်းအင်ကဏ္ဍတွင် စုစုပေါင်းရင်းနှီးမြှုပ်နှံမှု၏(၂၈ ဒသမ ၃၂)ရာခိုင်နှုန်း၊ ရေနံနှင့်သဘာဝဓာတ်ငွေ့ကဏ္ဍတွင် စုစုပေါင်းရင်းနှီးမြှုပ်နှံမှု၏(၂၄ ဒသမ ၆၇)ရာခိုင်နှုန်း၊ ကုန်ထုတ်လုပ်မှုကဏ္ဍတွင် စုစုပေါင်းရင်းနှီး မြှုပ်နှံမှု၏(၁၄ ဒသမ ၄၃)ရာခိုင်နှုန်းရှိသည်။