လာမည့် ရွေးကောက်ပွဲများတွင် မဲပေးခွင့်ရှိသူအားလုံး နိုင်ငံသား ကတ်တစ်မျိုးမျိုး ကိုင်ဆောင်ကာ မဲပေးနိုင်ရေး ဆောင်ရွက်နေကြောင်း လဝကဝန်ကြီးပြော
လာမည့်ရွေးကောက်ပွဲများတွင် မဲပေးပိုင်ခွင့်ရှိသူအားလုံး နိုင်ငံသားဖြစ်မှု အရည်အချင်းအရ နိုင်ငံသားကတ်တစ်မျိုးမျိုး ကိုင်ဆောင် မဲပေးနိုင်ရေးအတွက် ပန်းခင်းစီမံချက်ဖြင့် ဆောင်ရွက်နေကြောင်း လဝကဝန်ကြီး ဦးမြင့်ကြိုင်က ပြောသည်။
စက်တင်ဘာလ (၉) ရက်နံနက်ပိုင်းက နေပြည်တော်ရှိ လူ ဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန အစ ည်းအဝေးခန်းမ၌ ကျင်းပသည့် ပန်းခင်းစီမံချက် (၁/၂) နှင့် မဲစာရင်းမှန်ကန်ရေး လုပ်ငန်းညှိနှိုင်းအစည်းအဝေးတွင် ပြည်ထောင်စုဝန်ကြီးက ပြောကြားခဲ့ခြင်းဖြစ်သည်။
” နောင်ကျင်းပမယ့် ရွေးကောက်ပွဲများမှာ ဆန္ဒမဲ ပေးပိုင်ခွင့်ရှိသူ နိုင်ငံသားအားလုံး ၎င်းတို့၏ နိုင်ငံသားဖြစ်မှု အ ရည်အချင်းအရ ကိုင်ဆောင်သင့်တဲ့ ကတ်ပြားတစ်မျိုးမျိုး ကိုင်ဆောင်မဲပေးနိုင်ရေးအတွက် မိမိတို့ဝန်ကြီး ဌာနမှ ပန်းခင်းစီမံချက်ရေးဆွဲကာ နိုင်ငံတစ်ဝန်း နိုင်ငံသားစိ စစ်ရေးကတ်ပြားထုတ်ပေးခြင်း လုပ်ငန်းကို ဆောင်ရွက်လျက်ရှိပါတယ်” ဟု ဝန်ကြီး ဦးမြင့်ကြိုင်က ပြောသည်။
အဆိုပါ ပန်းခင်းစီမံချက်ကို ၂၀၂၁ ခုနှစ် မေ (၃) ရက်မှ ၂၀၂၂ ခုနှစ် နိုဝင်ဘာ (၃) ရက်အထိ (၁၈) လတာကာလအတွင်း တစ်နိုင်ငံလုံးအတိုင်းအတာဖြင့် လူဦးရေပမာဏ (၃ ဒသမ ၄) သန်းကျော်ကို ကိုင်ဆောင်ကတ်ပြား တစ်မျိုးမျိုး ထုတ်ပေးနိုင်ရေး လျာထားဆောင်ရွက်ခဲ့ခြင်းဖြစ် ကြောင်း သိရသည်။
ယင်းသို့ လျာထားဆောင်ရွက်ခဲ့ရာတွင် လက်ရှိအချိန်၌ တိုင်းဒေသကြီးနှင့် ပြည်နယ် (၉)ခုတွင် ရာနှုန်းပြည့် ပြီး စီးနေပြီ ဖြစ်ပြီး မြို့နယ်အချို့တွင်သာ လုံခြုံရေးအခြေ အနေ ကန့်သတ်ချက်များကြောင့် ကွင်းဆင်းဆောင်ရွက်ပေးနိုင်ခြင်း မရှိသည့်အတွက် ရာနှုန်းပြည့်ပြီးစီးရန် အ နည်းငယ်သာ ကျန်ရှိနေကြောင်း ပြည်ထောင်စု ဝန်ကြီးက ပြောသည်။
လတ်တလောတွင် ယခင်လျာထား သတ်မှတ်ချက်၌ မပါ ဝင်သည့် ပြည်ပရောက် မြန်မာနိုင်ငံသားများ နိုင်ငံအတွ င်း အလုံးအရင်းဖြင့် ပြန်လည်ဝင်ရောက်လာခြင်း၊ ကျူး ကျော်အိမ်ရာများတွင် နေထိုင်သည့် အသက်(၁၆)နှစ်နှင့်အထက် အထောက်အထား မရှိသူများ စာရင်းကောက်ယူခြင်းတို့ကြောင့် နိုင်ငံသားကတ်ပြားမရှိသေးသူများ ကျန်ရှိသေးသည့် အတွက် ပန်းခင်းစီမံချက် အဆင့်(၂) အဖြစ်သတ်မှတ်ကာ ယင်းကာလအတွင်း (၁၈) နှစ်ပြည့် လာမည့်လူဦးရေကို ခန့်မှန်း တွက်ချက်၍ လူဦးရေ(၁ ဒသမ ၇) သန်းကျော်ကို နိုင်ငံသားကတ်ပြား ထုတ်ပေးနိုင်ရေး ဆက်လက်ဆောင်ရွက်လျက်ရှိကြောင်းလည်း သိရသည်။
ထို့ပြင် အချက်အလက်များကို တိုက်ဆိုင်စစ်ဆေးမှုအရ နိုင်ငံသားကတ်နံပါတ် လွဲမှားမှုများ၊ အချက်အလက်မပြ ည့်စုံသူများ၊ နိုင်ငံသားကတ်ပြား အမှတ်တစ်ခုကို လူတစ်ဦးထက်ပိုမို ကိုင်ဆောင်ခြင်းများ၊ လူတစ်ဦး (သို့မဟုတ်) အိမ်ထောင်စုတစ်ခုသည် တစ်နေရာထက် ပိုမိုနေထိုင်သ ည့်အချက် အလက်များကို စိစစ်တွေ့ရှိရသဖြင့် ဥပဒေ၊ လုပ်ထုံးလုပ်နည်းများနှင့်အညီ ဆောင်ရွက်သွားမည်ဖြစ်ပြီး အချက်အလက် မပြည့်စုံသူများအား ရနိုင်သမျှနည်းလမ်းများဖြင့် ဖြည့်သွင်းဆောင်ရွက်သွားမည်ဟုလည်း ပြည်ထောင်စုဝန်ကြီးက ပြောသည်။