ရွှေစင်အကယ်ဒမီ ရွှေဆိုင် ပုံမှန်အတိုင်း ပြန်လည်ဖွင့်လှစ် ရောင်းချပေးနေဟုဆို

ရန်ကုန်တိုင်းဒေသကြီး၊ မြောက်ဒဂုံမြို့နယ်ရှိ ရွှေစင်အကယ်ဒမီရွှေဆိုင်ကို ယမန်နေ့(ဩဂုတ် ၁၄)ရက်က လက်နက်ပြ လုယက်မှုဖြစ်ပွါးခဲ့သော်လည်းလက်ရှိ၌ ရွှေစင်အကယ်ဒမီ ရွှေဆိုင် ပုံမှန်အတိုင်း ပြန်လည်ဖွင့်လှစ် ရောင်းချပေးနေကြောင်း သိရသည်။

ယမန်နေ့က လက်နက်ပြလုယက်မှု ဖြစ်စဉ်၌ ရွှေဆိုင်မှ ဝန်ထမ်းများ၏ ဖမ်းဆီးမှုကြောင့် ကျူးလွန်သူများထဲမှ ၁ဦးအား အခင်းဖြစ်စဥ်အတွင်း လက်ရဖမ်းမိခဲ့ခြင်းလည်းရှိသည်။

ဖြစ်စဉ်တွင် ဝန်ထမ်းအချို့ ထိခို-က်ဒဏ်ရာ ရရှိခဲ့ သော်လည်း အသက်အန္တရာယ် စိုးရိမ်ဖွယ်ရာ မရှိခဲ့ကြကြောင်းလည်း ရွှေစင်အကယ်ဒမီ ရွှေဆိုင်က ထုတ်ပြန်ထားသည်။

လက်ရှိကာလ၌ ရန်ကုန်၊ မန္တလေးမြို့များရှိ ရွှေဆိုင်များ လက်နက်ပြလုယက်မှုများ မကြာခဏ ဖြစ်ပွါးမှုရှိနေသည်။

ပြီးခဲ့သည့် မတ်လ ၂၃ ရက်‌နေ့ကမူ ရန်ကုန်မြို့၊ ပန်းဘဲတန်းမြို့နယ်၊ ဗန္ဓုလလမ်း ၂၉ လမ်းနှင့် လမ်း ၃၀ ကြားက တိတ်ရှိန်ရွှေဆိုင်မှာ ဓားပြတို-က်ခံရမှု ဖြစ်ပွါးခဲ့သေးသည်။