ကရင်ပြည်နယ် မြဝတီမြို့နယ် ရွှေကုက္ကိုလ်နှင့် KK Park နယ်မြေများတွင် အွန်လိုင်းလိမ်လည်မှုနှင့် လောင်းကစားလုပ်ငန်းများ လုပ်ကိုင်ရာ၌ အသုံးပြုခဲ့သည့် တရားမဝင်အဆောက်အအုံ ၇၇ လုံးအနက် ၃၉ လုံးကို ဖြိုချဖျ-က်ဆီးပြီးဖြစ်ကာ ကျန်ရှိသည့် ၃၈ လုံးကိုလည်း ဆက်လက်ဖျ-က်ဆီးသွားမည်ဖြစ်ကြောင်း သိရသည်။
ဌာနဆိုင်ရာပူးပေါင်းအဖွဲ့များက အဆိုပါနယ်မြေများရှိ တရားမဝင်အဆောက်အအုံများနှင့် လုပ်ငန်းဆောင်ရွက်ရာတွင် အသုံးပြုခဲ့သည့် ပစ္စည်းများကို စနစ်တကျ ရှင်းလင်းဖျက်ဆီးလျက်ရှိပြီး ဇွန် ၆ ရက်အထိ အဆောက်အအုံ ၃၉ လုံးကို ဖျ-က်ဆီးပြီးဖြစ်ကြောင်း ထုတ်ပြန်ထားသည်။
ဖျ-က်ဆီးရန် သတ်မှတ်ထားသည့် အဆောက်အအုံ ၇၇ လုံးအနက် ၅၇ လုံးကို ယာဉ်ယန္တရားများဖြင့် ဖြိုချသွားမည်ဖြစ်ပြီး ကျန် ၂၀ လုံးကို ဖေ-ာက်ခွဲဖျ-က်ဆီးမည်ဖြစ်ကြောင်း သိရသည်။
အွန်လိုင်းလိမ်လည်မှုနှင့် လောင်းကစားလုပ်ငန်းများကို နိုင်ငံအတွင်း အခြေမပြုနိုင်စေရေးအတွက် အစိုးရက အမျိုးသားရေးတာဝန်တစ်ရပ်အဖြစ် သတ်မှတ်ဆောင်ရွက်နေပြီး ပြည်တွင်းအဖွဲ့အစည်းများသာမက အိမ်နီးချင်းနိုင်ငံများနှင့်လည်း ပူးပေါင်းညှိနှိုင်း၍ တိုက်ဖျက်လျက်ရှိကြောင်း သိရသည်။