ရန်ကုန်ယူနိုက်တက်အသင်းသည် ၂၀၂၄ -၂၀၂၅ မြန်မာနေရှင်နယ်လိဂ်ဘောလုံးရာသီအတွက် ဦးကျော်ဒွန်းအား နည်းပြချုပ်အဖြစ် ခန့်အပ်တာဝန်ပေးခဲ့ကြောင်း သိရသည်။
ဂျာမန်နည်းပြချုပ် ဖရန့်ဘန်ဟတ်နှင့် နှစ်ဦးနှစ်ဖက်သဘောတူညီမှုဖြင့် လမ်းခွဲခဲ့ပြီးနောက် မြန်မာနေရှင်နယ်လိဂ်ပြိုင်ပွဲများကို တာဝန်ယူကိုင်တွယ်ရန်အတွက် နည်းပြချုပ်အဖြစ် ဦးကျော်ဒွန်းကို ခန့်အပ်လိုက်ခြင်းဖြစ်ပြီး လာမည့် မြန်မာနေရှင်နယ်လိဂ် ပွဲစဉ် ၁ မှစတင်ကာ တာဝန်ယူဆောင်ရွက်သွားမည်ဖြစ်သည်။
ဦးကျော်ဒွန်းသည် ရန်ကုန်ယူနိုက်တက်အသင်းကို ၂၀၂၂ ခုနှစ်ဘောလုံးရာသီနှင့် ၂၀၂၃ ဘောလုံးရာသီများတွင် ကိုင်တွယ်ခဲ့ဖူးပြီး ယခု ၂၀၂၄ တွင် ရန်ကုန်ယူနိုက်တက်အသင်းသို့ ပြန်လည်ရောက်ရှိလာခဲ့ခြင်းဖြစ်သည်။
ရန်ကုန်ယူနိုက်တက်အသင်းကို ပြန်လည်ရောက်ရှိလာခြင်းနှင့်ပက်သတ်ပြီး “ကျွန်တော့်အိမ်ကို ဒုတိယအကြိမ်ရောက်ရှိလာခဲ့တာပါ။ အခုတစ်ကြိမ်မှာတော့ အများကြီးပြင်ဆင်ပြီး ပြန်ရောက်လာနိုင်ခဲ့ပါပြီ။ ကျွန်တော် အတိုင်းမသိဝမ်းသာပါတယ်။ အရင်ကထက်ပိုပြီးတော့ အသင်းကို ကိုယ်စွမ်း ဉာဏ်စွမ်းရှိသလောက် ကြိုးစားကိုင်တွယ်သွားပါမယ်။ ပရိတ်သတ်တွေလည်း အသင်းကိုဆက်လတ်အားပေးကြဖို့ တော င်းဆိုချင်ပါတယ်” ဟု နည်းပြချုပ် ဦးကျော်ဒွန်းမှ ပြောကြားထားသည်။
ရန်ကုန်ယူနိုက်တက်အသင်း၏ မြန်မာနေရှင်နယ်လိဂ် ပွဲစဉ်များကို ဇူလိုင်လ (၆) ရက်နေ့မှစတင်ယှဉ်ပြိုင်သွားမည် ဖြစ်ပြီး ပထမဆုံးပွဲစဉ်အဖြစ် ရခိုင်ယူနိုက်တက်အသင်းနှင့် YU SC ကွင်းတွင်ယှဉ်ပြိုင်သွားမည်ဖြစ်သည်။