ရန်ကုန်တိုင်းဒေသကြီးအတွင်းရှိ မြို့နယ် အများတွင် ယခင်က ထုတ်ပြန်သတ်မှတ်ထားသည့် ညမထွက်ရအမိန့် ပုဒ်မ (၁၄၄) အား ဖြေလျှော့ပေးလိုက်ကြောင်း သိရသည်။
ယခင်သတ်မှတ်ထားသည့် ည (၁၂) နာရီမှ မနက် (၄) နာရီအထိ ညမထွက်ရ အချိန်အား ယနေ့ အောက်တိုဘာ (၂၇) ရက် ညမှစတင်ကာ ဖြေလျော့ပေးခဲ့ခြင်းဖြစ်ကြောင်း သိရသည်။
ထိုသို့ ဖြေလျော့ပေးရာတွင် ယနေ့မှစတင်ကာ နံနက် (၁) နာရီမှ နံနက်(၃) နာရီသို့ ဖြေလျှော့ပေးလိုက်ခြင်းဖြစ်ပြီး သက်ဆိုင်ရာ မြို့နယ်/ရပ်ကွက် အသီးသီးသို့ အကြောင်းကြားထားကြောင်း သိရသည်။
“ညမထွက်ရအမိန့် ဖြေလျော့ပေးလိုက်တယ်ဆိုတာကို မြို့န ယ်တချို့က မြို့နယ်အုပ်ချုပ်ရေးမှူး လက်မှတ်တွေနဲ့တော့ ထွက်လာတယ်။ တချို့မြို့နယ်တွေ ရပ်ကွက်ရုံးက အသံ ချဲ့စက်နဲ့ လိုက်အော်တာကြားတယ်လို့လည်း ပြောကြတယ်” ဟု ရန်ကုန်မြို့ခံတစ်ဦးက ပြောသည်။
ရန်ကုန်တိုင်းနည်းတူ နယ်မြေအေးချမ်းတည်ငြိမ်မှုရှိသည့် တိုင်းနှင့် ပြည်နယ်အချို့ရှိ မြို့နယ်/ရပ်ကွက်/ကျေးရွာအ ချို့ကိုလည်း ညမထွက်ရအမိန့်များအား ဖြေလျော့ပေးခြင်းများ ရှိကြောင်းလည်း လူမှုကွန်ရက်တွင် ပျံ့နှံနေသည့် သတင်းများအရ သိရသည်။
