၂၀၂၆ ခုနှစ်၊ ရန်ကုန်တိုင်းဝန်ကြီးချုပ်ဖလား (၁၄) ခရိုင် အသက် (၂၅) နှစ်အောက် အမျိုးသား/အမျိုးသမီး ဘော်လီဘောပြိုင်ပွဲကျင်းပပြီးချိန်တွင် မင်္ဂလာဒုံခရိုင်အမျိုးသမီးအသင်းနှင့် အလုံခရိုင်အမျိုးသားအသင်းတို့ ဆုဖလားများဆွတ်ခူးခဲ့ကြသည်။
ပြိုင်ပွဲ၏ ဆုချီးမြှင့်ပွဲကို ဧပြီ ၂၈ ရက်ညနေပိုင်းက အောင်ဆန်းအားကစားပြိုင်ပွဲရုံ၌ကျင်းပရာ ရန်ကုန်တိုင်းဝန်ကြီးချုပ် ဦးအောင်နိုင်သူတက်ရောက်၍ ဆုဖလားများရရှိသည့် မင်္ဂလာဒုံခရိုင်အသင်းနှင့် အလုံခရိုင်အသင်းတို့အား တစ်ဦးချင်းဆုတံဆိပ်များ၊ ဂုဏ်ပြုချီးမြှင့်ငွေနှင့် ဆုဖလားတို့ကိုပေးအပ်ချီးမြှင့်ခဲ့သည်။
ပြိုင်ပွဲ၏ အမျိုးသမီးပြိုင်ပွဲတွင် အလုံခရိုင်အသင်းက ဒုတိယ၊ အမျိုးသားပြိုင်ပွဲတွင် တွံတေးခရိုင်အသင်းက ဒုတိယ၊ အမျိုးသမီးပြိုင်ပွဲတွင် တွံတေးခရိုင်အသင်းက တတိယ၊ အမျိုးသားပြိုင်ပွဲတွင် မင်္ဂလာဒုံခရိုင်အသင်းက တတိယ၊ အမျိုးသမီးပြိုင်ပွဲတွင် လှည်းကူးခရိုင်အသင်းက နှစ်သိမ့်ဆု၊ အမျိုးသားပြိုင်ပွဲတွင် မရမ်းကုန်းခရိုင်အသင်းက နှစ်သိမ့်ဆုများအသီးသီးရရှိခဲ့ကြရာ တာဝန်ရှိသူများက တစ်ဦးချင်းဆုတံဆိပ်များနှင့် ဂုဏ်ပြုချီးမြှင့်ငွေများပေးအပ်ခဲ့ကြသည်။
ထို့ပြင် ဘော်လီဘောပြိုင်ပွဲတွင် ပွဲစဉ်တစ်လျှောက် တာဝန်ယူခဲ့သော ဒိုင်ကြီးကြပ်နှင့် ဒိုင်လူကြီးများ၊ အမျိုးသမီးနှင့်အမျိုးသားပြိုင်ပွဲတို့တွင် နေရာအလိုက်အကောင်းဆုံးဆုများဖြစ်သည့် စပေးဘောဆု၊ ပင့်ထောင်ဆု၊ ဆယ်မဆု၊ ပိတ်ဆို့ဆုနှင့် ရို-က်ခုတ်ဆု၊ အမျိုးသမီးပြိုင်ပွဲတွင် ပွဲစဉ်တစ်လျှောက် အကောင်းဆုံးအားကစားသမားဆုရရှိသည့် မင်္ဂလာဒုံခရိုင်အသင်းမှ ဇင်မာမြင့်၊ အမျိုးသားပြိုင်ပွဲတွင် ပွဲစဉ်တစ်လျှောက် အကောင်းဆုံးအားကစားသမားဆုရရှိသည့် အလုံခရိုင်အသင်းမှ ရဲရင့်အောင်တို့ကိုလည်း ဆုတံဆိပ်များနှင့် ဂုဏ်ပြုချီးမြှင့်ငွေများပေးအပ်ခဲ့ကြသည်။