ယနေ့ ဇူလိုင် ၅ ရက်နံနက်ပိုင်းကကျင်းပသည့် ၂၀၂၅ ခုနှစ် ဒုတိယအကြိမ် မိုးရာသီသစ်ပင်စိုက် ပျိုးပွဲ၌ တပ်မတော်တစ်ရပ်လုံးအနေဖြင့် သစ်ပင်ပေါင်း(၁၃၇,၁၈၆)ပင်ကို စုပေါင်းစိုက်ပျိုးပေးခဲ့ကြကြောင်း သိရသည်။
ယနေ့ နေပြည်တော်၊ ဇေယျာသီရိမြို့နယ်၊ ရေဆင်းဆည်အနီး၌ကျင်းပသည့် ၂၀၂၅ ခုနှစ်၊ ကာကွယ်ရေးဦးစီးချုပ်ရုံး(ကြည်း ၊ ရေ၊ လေ)မိသားစုများ၏ ဒုတိယအကြိမ်မိုးရာသီသစ်ပင်စိုက်ပျိုးပွဲသို့ နစက ဥက္ကဋ္ဌ၊ နိုင်ငံတော်ဝန် ကြီးချုပ်၊ ဗိုလ်ချုပ်မှူးကြီးမင်းအောင်လှိုင်နှင့် ဇနီးတို့တက်ရောက်ခဲ့ပြီးဦးဆောင်စိုက်ပျိုးပေးခဲ့ကြသည်။
ယနေ့ပြုလုပ်သည့် ဒုတိယအကြိမ်သစ်ပင်စိုက်ပျိုးပွဲတွင် ရတနာတန်းဝင် ကျွန်းပင် (၉၀၀)ပင်၊ ပျဉ်းကတိုး(၆၀၀)ပင်၊ ပိတောက် (၃၀၀)ပင်၊ မဟော်ဂနီ(၆၀၀)ပင်(စုစုပေါင်း ၂၄၀၀ ပင်)အား စုပေါင်းစိုက်ပျိုးခဲ့ကြသည်။
ထို့အတူ ယနေ့ တွင်တပ်မတော်တစ်ရပ်လုံးအနေဖြင့် ရတနာတန်းဝင်ပင်၊ စက်မှုကုန်ကြမ်းသီးနှံပင်၊ နှစ်ရှည်စားသုံးသီးနှံပင်၊ အရိပ် ရလေကာပင်များကို စုပေါင်းစိုက်ပျိုးခဲ့ကြရာ နေ ပြည်တော်တိုင်းစစ်ဌာနချုပ်၌(၇,၃၈၈)ပင်၊ မြောက်ပိုင်းတိုင်းစစ်ဌာနချုပ်၌(၃,၃၈၀)ပင်၊ အရှေ့ပိုင်းတိုင်းစစ်ဌာနချုပ်၌(၇,၈၈၁)ပင်၊ အရှေ့အလယ်ပိုင်းတိုင်းစစ်ဌာနချုပ်၌(၁၁,၆၃၄)ပင်၊ တြိဂံဒေသတိုင်း စစ်ဌာနချုပ်၌(၁၁,၄၉၂)ပင်၊ အရှေ့တောင်တိုင်းစစ် ဌာနချုပ်၌(၁၀,၄၈၉)ပင်၊ ကမ်းရိုးတန်းဒေသတိုင်းစစ်ဌာနချုပ်၌(၉,၇၄၂)ပင်၊ ရန်ကုန်တိုင်းစစ်ဌာန ချုပ်၌(၁၉,၀၅၅)ပင်၊ အနောက်တောင်တိုင်းစစ်ဌာ နချုပ်၌(၅,၄၈၀)ပင်၊ အနောက်မြောက်တိုင်းစစ်ဌာ နချုပ်၌(၁၀,၃၅၄)ပင်၊ အလယ်ပိုင်းတိုင်းစစ်ဌာန ချုပ်၌(၂၉,၄၈၆ပင်နှင့် တောင်ပိုင်းတိုင်းစစ် ဌာန ချုပ်၌(၈,၄၀၅)ပင်(စုစုပေါင်း သစ်ပင် ၁၃၇,၁၈၆ ပင်)ကိုစိုက်ပျိုးခဲ့ကြသည်။
ရေဆင်းဆည်ဝန်းကျင်၌ သဘာဝပတ်ဝန်းကျင်နှင့် ဂေဟစနစ်ထိန်းသိမ်းရေးအတွက် ကာကွယ်ရေးဦး စီးချုပ်ရုံး(ကြည်း၊ ရေ၊ လေ)မိသားစုများက ၂၀၁၁ ခုနှစ်မှ ယနေ့အထိ သစ်ပင်စိုက်ပျိုးပွဲတော်ပေါင်း(၄၃)ကြိမ် ကျင်းပ၍ ရတနာတန်းဝင်ပင်၊ နှစ်ရှည်သီးနှံပင်နှင့် အရိပ်ရလေကာပင်ပေါင်း(၂၀၆,၀၂၅)ပင်အား စိုက်ပျိုးခဲ့ကြပြီးဖြစ်သည်။