မြန်မာ့လက်ရွေးစင် အမျိုးသားဘောလုံးအသင်း၏ နည်းပြချုပ်သစ်အဖြစ် တာဝန်ယူရန် ရွေးချယ်ခံထားရသည့် နော်ဝေလူမျိုး၊ ဂျာမန်နိုင်ငံသား ဝါရင့်နည်းပြ ဂျွန် အန်ဒါဆင် (Jørn Andersen) သည် ယနေ့ (ဇူလိုင် ၇ ရက်) တွင် ရန်ကုန်မြို့သို့ ရောက်ရှိလာပြီး မြန်မာနိုင်ငံဘောလုံးအဖွဲ့ချုပ် (MFF) နှင့် စာချုပ်ချုပ်ဆိုရေး ဆွေးနွေးမှုများ ပြုလုပ်လျက်ရှိကြောင်း သိရသည်။
အသက် ၆၃ နှစ်အရွယ်ရှိ ဂျွန် အန်ဒါဆင်သည် ဂျာမန်ကလပ် Mainz 05 အသင်းကို ဘွန်ဒက်စ်လီဂါသို့ တန်းတက်အောင် စွမ်းဆောင်ပေးခဲ့ဖူးသည့်အပြင် မြောက်ကိုရီးယားနှင့် ဟောင်ကောင် လက်ရွေးစင်အသင်းများကိုလည်း အာရှဖလားပြိုင်ပွဲသို့ ပို့ဆောင်ပေးခဲ့သည့် အာရှဘောလုံးလောကအတွေ့အကြုံ ကြွယ်ဝသော နည်းပြတစ်ဦးဖြစ်သည်။
မြန်မာနိုင်ငံဘောလုံးအဖွဲ့ချုပ်သည် လာမည့် ဗီယက်နမ်အသင်းနှင့် ခြေစမ်းပွဲ၊ အာဆီယံချန်ပီယံရှစ်ပြိုင်ပွဲနှင့် FIFA–ASEAN Cup ပြိုင်ပွဲများအတွက် အသင်းကို ပြင်ဆင်နိုင်ရေး ရည်ရွယ်၍ ဂျွန် အန်ဒါဆင်အား နည်းပြချုပ်အဖြစ် ဖိတ်ခေါ်ခဲ့ခြင်းဖြစ်ပြီး၊ ဆွေးနွေးမှုများ ပြီးဆုံးပါက တရားဝင် စာချုပ်လက်မှတ်ရေးထိုးပွဲ ကျင်းပသွားမည်ဖြစ်ကြောင်း သိရသည်။