အာဆီယံမှ ချီးမြှင့်မည့်“အာဆီယံလုပ်ငန်းခွင် ဘေးအန္တရာယ်ကင်းရှင်းရေးနှင့် ကျန်းမာရေးဆု”ASEAN-OSHNET Excellence Awards အတွက် မြန်မာလုပ်ငန်းရှင်များအနေဖြင့်ပါဝင်ယှဉ်ပြိုင်နိုင်ကြောင်း သိရသည်။
လုပ်ငန်းခွင် ဘေးအန္တရာယ် ကင်းရှင်းရေးနှင့် ကျန်းမာရေးစနစ် ထူးခြားစွာ ဆောင်ရွက်ထားသော ကုန်ထုတ်သည့် စက်ရုံ၊ အလုပ်ရုံနှင့် အဆောက်အဦ တည်ဆောက်ရေး လုပ်ငန်းများအနေဖြင့် ASEAN-OSHNET Excellence ဆုကို လျှောက်ထားနိုင်မည်ဖြစ်သည်။
အဆိုပါ ဆုကို အလုပ်သမား အင်အား (၅၀) ဦးမှ (၃၀၀) အထိရှိ အသေးစားနှင့်အလတ်စား စက်ရုံ၊ အလုပ်ရုံနှင့် အလုပ် ဌာနများ၊ လုပ်သားအင်အား (၃၀၀) မှ (၆၀၀) အထိရှိ လုပ်အားအခြေပြု ထုတ်လုပ်မှုလုပ်ငန်း (သို့မဟုတ်)လက်ခစားလုပ်ကိုင်သည့်စက်ရုံ၊ အလုပ်ရုံနှင့် အလုပ်ဌာနများအနေဖြင့် ASEAN-OSHNET Best Practices ဆုကို ဝင်ရောက်ယှဉ် ပြိုင်နိုင်ကြောင်း သိရသည်။
ပါဝင်ယှဉ်ပြိုင်လိုသူများအနေဖြင့် မတ်လ (၃) ရက်နောက်ဆုံးထားကာ လျှောက်ထားနိုင်ကြောင်း၊ ပြီးခဲ့သည့် ၂၀၂၄ ခုနှစ်တွင် Dagon Beverages Company Limited (Myanmar) မှ ASEAN-OSHNET Excellence Awards ဆုရခဲ့သလို ASEAN-OSHNET Best Practices Award Jotun Myanmar အိမ်သုတ်ဆေးစက်ရုံမှရရှိခဲ့ကြောင်း သိရသည်။