ကချင်ပြည်နယ်၊ မြစ်ကြီးနားမြို့အဝင်ကုန်စစ်ဆေးရေးစခန်း၌ ယာဉ်စစ်ဆေးရေးစင် အမြန်ဆုံးတည်ဆောက်ရန် ပြည်နယ်ဝန်ကြီးချုပ်ဦးခက်ထိန်နန်က မှာကြား သည်။
အဆိုပါ မြစ်ကြီးနားမြို့အဝင်ကုန်စစ်ဆေးရေးစခန်း၌ လုပ်ငန်းဆောင်ရွက်နေမှုများကို ပြည်နယ်ဝန်ကြီးချုပ်က စက်တင်ဘာ ၃ ရက်တွင်ကြည့်ရှုစစ်ဆေးစဥ် မှာ ကြားခဲ့ခြင်းဖြစ်သည်။
ထိုသို့ ကြည့်ရှုစစ်ဆေးပြီးနောက် လုပ်ငန်းများဆောင် ရွက်ရာ၌ မှန်ကန်မြန်ဆန်စွာဆောင်ရွက်ရန်၊ အထူးသ ဖြင့် ဒေသတွင်းစားသောက်ကုန်များပြတ်လပ်မှုမဖြစ်ပေါ်စေရေးခွင့်ပြုထားသော ကုန်ပစ္စည်းများကို သတ် မှတ်ညွှန်ကြားချက်များနှင့်အညီစစ်ဆေးခွင့်ရန် မှာကြားသည်။
ထို့ပြင် ခြံဝင်းအတွင်ကုန်သွယ်ရေးလုပ်ငန်းဆောင်ရွက်သည့် မော်တော်ယာဉ်ကြီးများစနစ်တကျရပ်နား၍ ကုန်စစ်ဆေးမှုလုပ်ငန်းများလျင်မြန်စွာဆောင်ရွက်ရန်၊ ယာဉ်စစ်ဆေးရေးစင်အမြန်ဆုံးတည်ဆောက်ရန်လည်း မှာကြားခဲ့သည်။
ကချင်ပြည်နယ်အတွင်း တရုတ်နိုင်ငံနှင့် ကုန်သွယ်ရေးလုပ်ငန်းများလျင်မြန်စွာဆောင်ရွက်နိုင်ရေး၊ တရားမဝင်ကုန်စည်များဝင်ရောက်မှုမရှိစေရေးနှင့် နိုင်ငံတော်မှ ရသင့်ရထိုက်သည့် အခွန်ဘဏ္ဍာငွေများရရှိရေးအ တွက် ဝိုင်းမော်မြို့နယ်၊ မိုင်းနားကျေးရွာအတွင်း မြစ်ကြီးနားမြို့အဝင်ကုန်စစ်ဆေးရေးစခန်းဖွင့်လှစ်၍ ကုန် သွယ်မှုလုပ်ငန်းများဆောင်ရွက်လျက်ရှိသည်။