မေ ၂၈ ရက် ‘ကုရ်ဘာနီအီးဒ်’ အများပြည်သူအလုပ်ပိတ်ရက်အဖြစ် အစိုးရကြေညာ

နေပြည်တော်စည်ပင်၊ စက်ရုံနှင့် မော်တော်ယာဉ်ဌာနမှ လျှပ်စစ်အမှိုက်သိမ်းယာဉ်(EV Garbage Truck) Dongfeng Leaf Collector Vehicle (၃)စီးအား တို-က်ရို-က်တင်ဒါစနစ်ဖြင့်ဝယ်ယူရန် ဈေးနှုန်းအဆိုပြုလွှာအား ယနေ့ မေ ၂၂ ရက်ကဖွင့်ဖောက်စစ်ဆေးခဲ့သည်။ အဆိုပြုလွှာတင်သွင်းသည့် ကုမ္ပဏီမှရောင်းချမည့် Dongfeng Leaf Collector Vehicle နှင့်ပတ်သက်သည့် နည်းပညာဆိုင်ရာအချက်အလက်များနှင့် အသုံးပြုမှုတို့ကိုရှင်းလင်းတင်ပြပြီးနောက် တင်သွင်းသည့် လျှပ်စစ်အမှိုက်သိမ်းယာဉ်(EV Garbage Truck) Dongfeng Leaf Collector Vehicle (၃)စီးအတွက် ဈေးနှုန်းအဆိုပြုလွှာကို ဖွင့်ဖောက်စစ်ဆေးမှတ်တမ်းတင်ခဲ့သည်။

စစ်ကိုင်း-မန္တလေး ကုန်စည်စီးဆင်းမှုတွင် ကားလမ်းအစား ရေကြောင်းလမ်းကို ပိုမိုအသုံးပြုလာကြပြီး မန္တလေးမြို့ဘက်၌ ဂေါဝိန်ဆိပ်ကမ်းကို အဓိကအသုံးပြုနေကြကြောင်း ဒေသခံကုန်သည်များထံမှ သိရသည်။ စစ်ကိုင်းတိုင်းဒေသကြီးမှ ထွက်ရှိသည့် ကုန်စိမ်းနှင့် ဟင်းသီးဟင်းရွက်များကို မန္တလေးမြို့သို့ သယ်ယူရာတွင်လည်းကောင်း၊ မန္တလေးမြို့ရှိ ကုန်စည်ဒိုင်များနှင့် အခွန်လွတ်ဈေးများမှ ကုန်စိမ်း၊ သားငါးနှင့် စားသောက်ကုန်များကို စစ်ကိုင်းမြို့သို့ ပြန်လည်ပို့ဆောင်ရာတွင်လည်းကောင်း ယခင်ကဲ့သို့ ကားလမ်းမှ တိုက်ရိုက်သယ်ယူခြင်း မပြုတော့ဘဲ ဧရာဝတီမြစ်ကို ဖြတ်ကျော်သည့် ရေကြောင်းလမ်းကို ပြောင်းလဲအသုံးပြုလာကြခြင်းဖြစ်ကြောင်း သိရသည်။ ယခင်က စစ်ကိုင်း-မန္တလေး ကုန်စည်စီးဆင်းမှုအတွက် စစ်ကိုင်းတံတားသစ် (ရတနာပုံတံတား) ကို အဓိကအသုံးပြုခဲ့ကြသော်လည်း နောက်ပိုင်းတွင်...

ရှမ်းပြည်နယ်၊ တာချီလိတ်မြို့၊ ပန်စလိကျေးရွာနှင့် ကလရင်ပြည်နယ်၊ မြဝတီမြို့၊ မယ်ထော်သလေးကျေးရွာတို့မှ အွန်လိုင်းလိမ်လည်လောင်းကစားမှုကျူးလွန်သည့် တရုတ်နိုင်ငံသား(၆၀)ဦးကို လုပ်ငန်းသုံးပစ္စည်းများနှင့်အတူဖမ်းဆီးရမိခဲ့ကြောင်း သိရသည်။ လုံခြုံရေးအဖွဲ့ဝင်များပါဝင်သောပူးပေါင်းအဖွဲ့ဝင်များက ယနေ့ မေ ၂၂ ရက်တွင် ရှမ်းပြည်နယ်(အရှေ့ပိုင်း)၊ တာချီလိတ်မြို့၊ ပန်စလိကျေးရွာမှ အွန်လိုင်းလိမ်လည်လောင်းကစားမှုကျူးလွန်သည့် တရုတ်နိုင်ငံသား(၃၃) ဦးကို လုပ်ငန်းသုံးပစ္စည်းများနှင့်အတူဖမ်းဆီးရမိခဲ့ကြောင်း သိရသည်။ ထို့ပြင် ကရင်ပြည်နယ်၊ မြဝတီမြို့၊ မယ်ထော်သလေးကျေးရွာအနီး၌ အွန်လိုင်းလိမ်လည်လောင်းကစားမှုကျူးလွန်သည့် တရုတ်နိုင်ငံသား(၂၇)ဦးကိုလည်း လုပ် ငန်းသုံးပစ္စည်းများနှင့်အတူဖမ်းဆီးရမိခဲ့ကြောင်း သိရသည်။ ထို့ကြောင့် ဖမ်းဆီးရမိခဲ့သည့် တရုတ်နိုင်ငံသားများအား လိုအပ်သည့်စစ်ဆေးမှုများပြုလုပ်ပြီးပါက တည်ဆဲဥပဒေများနှင့်အညီ ထိရောက်ပြင်းထန်စွာအရေးယူသွားမည်ဖြစ်ကြောင်း သိရသည်။