စစ်ကိုင်းဒေသကြီး၊ မုံရွာမြို့၊ ဘုန်းစိုးရပ်ကွက်၊ ကျောက္ကာလမ်းရှိ မော်တော်ယာဥ်ရောင်းဝယ်ရေးစင်တာကို မတ်လ (၆)ရက် ၊ နံနက်က ဖွင့်လှစ်ခဲ့ပြီး ကန်သာယာ ညစျေး(Night Market)ကို မတ်လ (၈)ရက် ညနေပိုင်းတွင်ဖွင့်လှစ်သွားမည်ဖြစ်ကြောင်း သိရသည်။
ယခုဖွင့်လှစ်လိုက်သော မော်တော်ယာဥ်ရောင်းဝယ်ရေးစင်တာတွင် ပင်မအဆောက်အဦး (၄) ခုပါရှိပြီး ဆိုင်ခန်းပေါင်း (၄၁)ခန်းပါရှိကာ မော်တော်ကားပစ္စည်းနှင့် ကားအလှဆင်ပစ္စည်း အရောင်းဆိုင် (၁၀) ဆိုင်၊ မော်တော်ယာဥ်ပြုပြင်ရေးလုပ်ငန်း (၈) ခု၊ ကားရေဆေးဆီလိုက်လုပ်ငန်း (၁) ခု၊ မော် တော်ဆိုင်ကယ်နှင့် ဆက်စပ်ပစ္စည်းအရောင်းဆိုင် (၈) ဆိုင်၊ စားသောက်ဆိုင် (၉) ဆိုင်၊ ဆံသနှင့် အလှပြင်ဆိုင် (၁) ဆိုင်ဖွင့်လှစ်ထားသည်။
မော်တော်ယာဉ်ရောင်းဝယ်ယူရေးစင်တာကို မတ်လ (၆) ရက် နံနက်ပိုင်းတွင် ဖွင့်လှစ်ခြင်းဖြစ်ပြီး ညပိုင်းတွင် စင်တာဝင်းအတွင်း နိုင်ငံကျော်အဆိုတော်များဖြစ်သည့် J Fire ၊ ချယ်ရီသင်း၊ လိမ္မော်သီး၊ ယွန်းသီရိကျော်တို့က တေးသံသာများဖြင့် သီဆိုဖျော်ဖြေမည်ဖြစ်သည်။
မုံရွာမြို့တွင် ယခင်ကမရှိဘူးသေးသည့် စင်တာဖွင့်လှစ်လို က်သည့်အတွက် မော်တော်ယာဥ်နှင့်ဆိုင်ကယ် ဆက်စပ်ပစ္စ ည်းများကို တစ်နေရာတည်းတွင် ဝယ်ယူနိုင်တော့မည်ဖြစ်သည်။
လာမည့် မတ်လ (၈)ရက် ညနေပိုင်းတွင်ဖွင့်လှစ်မည့် မုံရွာမြို့ကန်သာယာညစျေး (Night Market)တွင် (၁၂) ပေပတ် လည် စျေးဆိုင်ခန်းပေါင်း (၁၁၀)တည်ဆောက်ထားပြီး ညစျေးအဖြစ် ခင်းကျင်းရောင်းချပေးမည်ဖြစ်သည့်အပြင် ဖျော်ဖြေရေးအစီအစဥ်များပါ ဆောင်ရွက်ပေးမည်ဖြစ်ဖြစ်ကြောင်းသိရသည်။
ညစျေးဖွင့်ပွဲ အထိမ်းအမှတ်အဖြစ် မတ်လ (၇) ရက်၊ (၈) ရက် ညများတွင် နိုင်ငံကျော်အဆိုတော်များဖြစ်သည့် J Fire ၊ ချယ်ရီသင်း၊ လိမ္မော်သီး၊ ယွန်းသီရိကျော်တို့က တေးသံသာများဖြင့် သီဆိုဖျော်ဖြေသွားမည်ဖြစ်ကြောင်း သိရသည်။