မန္တလေးတိုင်း၊ ပုသိမ်ကြီးမြို့နယ်အတွင်းရှိ ပဋိပက္ခဒ-ဏ်ကြောင့် နေရပ်စွန့်ခွာခဲ့ရပြီးနောက် ပြန်လည်အခြေချနေ ထိုင်နေသည့် အိမ်ထောင်စု (၆၈၅) စုအတွက် လာမည့် မုတ်သုံရာသီအမီ ပြင်ဆင်နိုင်ရန် ရည်ရွယ်၍ နိုင်ငံတကာကြက်ခြေနီကော်မတီ (ICRC) က အခြေခံလူသုံးကုန်ပစ္စည်းများ ပံ့ပိုးကူညီခဲ့ကြောင်း သိရသည်။
ပဋိပက္ခဒ-ဏ်ခံခဲ့ရသည့် ကျေးရွာများရှိ ဒေသခံမိသားစုများသည် နေ့စဉ်ဘဝ ပြန်လည်ထူထောင်ရေးတွင် အခက်အခဲများစွာနှင့် ရင်ဆိုင်နေရသဖြင့် အဆိုပါမိသားစုများ မိုးမရွာသွန်းမီ အချိန်မီ အမိုးအကာ ပြင်ဆင်နိုင်ရန်နှင့် အခြေခံနေထိုင်မှု အဆင်ပြေစေရန် ICRC မန္တလေးရုံးခွဲက ကွင်းဆင်းထောက်ပံ့ပေးခဲ့ခြင်းဖြစ်သည်ဟု ဆိုသည်။
အဆိုပါ ထောက်ပံ့မှုတွင် အခြေခံစားသောက်ကုန်များဖြစ်သည့် ဆန်၊ ပဲ၊ ဆီ အပြင် မိုးရာသီအတွက် အရေးပေါ်အမိုးအကာအဖြစ် အသုံးပြုနိုင်မည့် တာပေါ်လင်စများ၊ မီးဖို ချောင်သုံးပစ္စည်းအစုံ၊ အမျိုးသမီးသုံးပစ္စည်းများနှင့် အခြားမရှိမဖြစ်လိုအပ်သော အသုံးအဆောင်ပစ္စည်းများထောက်ပံ့ခဲ့ကြောင်း သိရသည်။
“ဘာဆို ဘာမှမကျန်ခဲ့ဘူး။ ပန်းကန်တစ်ချပ်တောင် မရှိတော့ဘူး။ လာပေးတဲ့ ပစ္စည်းတွေက ကျွန်မတို့ နေ့စဉ် အ ရေးတကြီး လိုအပ်တာတွေနဲ့ ကွက်တိပဲ။ အိမ်အမိုးဆိုလည်း တော်တော်ပျ-က်စီးသွားတယ်။ ဒါပေမဲ့ ဒီတာပေါ်လင်တွေက မိုးတွင်းမှာ အများကြီး အထောက်အကူဖြစ်မှာပါ” ဟု နေရပ်စွန့်ခွာခဲ့ရသူ တစ်ဦးက ICRC ၏ မေးမြန်းထားမှုအပေါ် ပြန်လည်ဖြေကြားထားသည်။
ပုသိမ်ကြီးမြို့နယ်အတွင်း ပြန်လည်အခြေချနေထိုင်သူများအနေဖြင့် လတ်တလော စားဝတ်နေရေးနှင့် မိုးရာသီအမိုးအကာ အခက်အခဲများကို တစ်ဘက်တစ်လမ်းမှ များစွာသက်သာရာရစေမည်ဖြစ်ကြောင်း သိရသည်။
ဓာတ်ပုံ – ICRC Myanmar