ပြည်တွင်း၌ စက်သုံးဆီ အမျိုးမျိုးကို ပိုမိုထုတ်လုပ်နိုင်ရေးဆောင်ရွက်ကြရန် ပြည်ထောင်စု ဝန်ကြီး မှာကြား
စက်သုံးဆီ အမျိုးမျိုးကို ပြည်တွင်း၌ ပိုမိုထုတ်လုပ်နိုင်ရေးအတွက် အလေးထား လုပ်ဆောင်ကြရန် အမှတ် (၁) ရေနံချက်စက်ရုံ(သန်လျင်)မှ တာဝန်ရှိသူများကို လျှပ်စစ် စွမ်းအားဝန်ကြီးဌာနနှင့် စွမ်းအင်ဝန်ကြီးဌာန ပြည်ထောင် စုဝန်ကြီးက မှာကြားသည်။
ဇူလိုင်လ (၃) နံနက်ပိုင်းက အဆိုပါ စက်ရုံသို့ သွားရောက်ကြည့်ရှုစဉ် ပြည်ထောင်စုဝန်ကြီးက မှာကြား ခဲ့ခြင်း ဖြစ် သည်။
“စက်သုံးဆီ အမျိုးမျိုးကို ပြည်တွင်း၌ ပိုမိုတိုးတက်ထုတ် လုပ်နိုင်ရေး ဆောင်ရွက်သွားရန် လိုအပ်ပါတယ်။ ရင်းနှီးမြှုပ်နှံသူတွေကိုလည်း ထပ်မံဖိတ်ခေါ်သွားဖို့ လိုပါတယ်” ဟု ဝန်ကြီးဦးသောင်းဟန်က ပြောသည်။
ထို့အပြင် သန်လျင် ရေနံချက်စက်ရုံ ဆိပ်ကမ်းတွင် ရေနံ စိမ်းသင်္ဘောများ ဆိုက်ကပ်နိုင်မည့် အခြေအနေကိုလည်း သက်ဆိုင်ရာ ဝန်ကြီးဌာနများနှင့် ပူးပေါင်းလေ့လာ၍ တင်ပြသွားရန် ဖြစ်ကြောင်း မှာကြားခဲ့သည်။
ထို့နောက် ပြည်ထောင်စုဝန်ကြီးသည် ပြန်လည်လည်ပတ် ထုတ်လုပ်လျက်ရှိသည့် စက်ဆီရော စပ်စည်သွတ်စက်ရုံ သိုလှောင်ကန်များ ပြုပြင်မွမ်းမံပြီးစီးမှု၊ Filling Machine ဖြင့် စက်ဆီ/ ချောဆီ ဖြည့်တင်းဆောင်ရွက်နေမှုနှင့် ကုန် ကြမ်း သိုလှောင်ထားရှိမှုများကို ကြည့်ရှုစစ်ဆေးကာ
ဝန်ကြီးဌာနများ၊ အဖွဲ့အစည်းများမှ လိုအပ်သော Mono -grade အဆင့် စက်ဆီ/ချောဆီများ အမြန်ဆုံး ဖြန့်ဖြူးပေးနိုင်ရေး ဆောင်ရွက်ရန်လိုကြောင်း ပြောကြားခဲ့သည်။
ထို့အပြင် Mono-grade အဆင့်မှ Multi-grade အဆင့်ရှိသော စက်ဆီ/ ချောဆီများ ထုတ်လုပ်ဖြန့်ဖြူးပေးနိုင်ရေး ဆောင်ရွက်သွားရမည်ဖြစ်ပြီး စီးပွားရေး တွက်ချေကိုက်မှု ရှိစေရေးအတွက် ပုဂ္ဂလိက လုပ်ငန်းရှင်များအနေ ဖြင့် ပြည်ပမှ ကုန်ကြမ်းတင်သွင်းကာ ဝန်ဆောင်ခပေး ချေသော စနစ်ဖြင့် စက်ဆီ/ ချောဆီရောစပ် ထုတ်လုပ်ဖြန့်ဖြူးခြင်းကိုလည်း ဖိတ်ခေါ်ဆောင်ရွက် သွားမည်ဟု ဆိုသည်။
ပြည်ထောင်စု ဝန်ကြီးသည် သန်လျင်ရေနံချက်စက်ရုံအတွင်း စက်ရုံလည်ပတ်မှု၊ ဝန်ထမ်းနှင့် လုံခြုံရေးအင် အားရရှိမှု၊ စက်သုံးဆီသိုလှောင်ကန်၊ စက်သုံးဆီ တင်ချဆိပ်ခံတံတား၊ ရေနံဓာတ်ငွေ့ရည် သိုလှောင်ကန်များနှင့် စက်ဆီရောစပ် စည်သွတ်စက်ရုံတို့ကို ပြုပြင်မွမ်းမံထိန်း သိမ်းမှု၊ စက်ရုံဓာတ်ခွဲခန်းတွင် စက်သုံးဆီနှင့် စက်ဆီ/ ချောဆီများ စမ်းသပ်နေမှုများကို ကြည့်ရှုစစ်ဆေးခဲ့ကြောင်း သိရသည်။
