အစ္စလာမာဘတ်၊ ဇူလိုင် ၁၄ ရက်
ပါကစ္စတန်နိုင်ငံ အနောက်မြောက်ပိုင်း ခိုင်ဘာပက်တွန်ခွာပြည်နယ် ကိုဟတ်ခရိုင်တွင် တနင်္လာနေ့ညနေပိုင်းက မိုးသည်းထန်စွာရွာသွန်းမှုကြောင့် လူနေအိမ်တစ်လုံး ပြိုကျခဲ့ရာ အနည်းဆုံး လူ ၉ ဦး ေ-သဆုံးပြီး ၁၄ ဦး ဒဏ်ရာရရှိခဲ့ကြောင်း ကယ်ဆယ်ရေးတာဝန်ရှိသူများက ပြောကြားခဲ့သည်။
Rescue 1122 မှ တာဝန်ရှိသူတစ်ဦးက တနင်္လာနေ့ ညနက်ပိုင်းတွင် ပြောကြားရာ၌ အဆိုပါခရိုင်အတွင်းရှိ လာချီဒေသ၊ မာလ်ဂျင်ရပ်ကွက်တွင် မိုးသည်းထန်စွာရွာသွန်းမှုကြောင့် နေအိမ်ပြိုကျပျက်စီးခဲ့ပြီး အပျက်အစီးများအောက်တွင် လူ ၂၃ ဦး ပိတ်မိခဲ့ကြောင်း သိရသည်။
ကိုဟတ်ခရိုင်နှင့် အိမ်နီးချင်း ကာရတ်ခရိုင်တို့မှ ကယ်ဆယ်ရေးအဖွဲ့များက ကယ်ဆယ်ရေးလုပ်ငန်းများ စတင်ဆောင်ရွက်ခဲ့ပြီး ထိခိုက်ခံရသူအားလုံးကို အပျက်အစီးများအောက်မှ အောင်မြင်စွာ ဆွဲထုတ်နိုင်ခဲ့ကာ အနီးရှိဆေးရုံသို့ ပို့ဆောင်ပေးခဲ့သည်။
သေဆုံးသူများထဲတွင် အမျိုးသမီး ၆ ဦးနှင့် ကလေး ၃ ဦး ပါဝင်ကြောင်း အဆိုပါတာဝန်ရှိသူက ပြောကြားခဲ့ပြီး၊ ဒဏ်ရာရရှိသူအချို့မှာ စိုးရိမ်ရသည့် အခြေအနေတွင် ရှိနေသောကြောင့် ေ-သဆုံးသူအရေအတွက် ထပ်မံတိုးလာနိုင်မည်ကို စိုးရိမ်ရကြောင်း ဖြည့်စွက်ပြောကြားခဲ့သည်။
လက်ရှိတွင် ပါကစ္စတန်နိုင်ငံ နေရာအတော်များများ၌ မုတ်သုံမိုး ဆက်တိုက်သည်းထန်စွာရွာသွန်းမှုကြောင့် လျှပ်တစ်ပြက်ရေကြီးခြင်း၊ အခြေခံအဆောက်အဦများ ပျက်စီးခြင်းနှင့် လူနေမှုဘဝများ ပြတ်တောက်ခြင်းတို့ ဖြစ်ပေါ်နေစဉ်အတွင်း ယခုကဲ့သို့ နေအိမ်ပြိုကျခဲ့ခြင်း ဖြစ်သည်။
အဆိုပါပြည်နယ်၏ ပြည်နယ်အဆင့် သဘာဝဘေးအန္တရာယ်ဆိုင်ရာ စီမံခန့်ခွဲမှုအာဏာပိုင်အဖွဲ့ က ရေဝင်ရောက်မှု မြင့်တက်လာခြင်းကြောင့် နောက်ထပ်နှစ်ရက်အတွင်း ဆည်များမှ ရေထပ်မံလွှတ်ရနိုင်ကြောင်း တနင်္လာနေ့အစောပိုင်းတွင် သတိပေးချက်ထုတ်ပြန်ထားခဲ့သည်။
Ref: ဆင်ဟွာ