ဂန္ထဝင်တေးသံရှင်ကြီး ဒေါ်မာမာအေးရဲ့ စိန်ရတု အဉ္ဇလီဖျော်ဖြေပွဲကို ဒီဇင်ဘာလ ၁၃ ရက် နေ့ညက ရန်ကုန်မြို့ အမျိုးသားဇာတ်ရုံမှာ ပြုလုပ်ခဲ့ပါတယ်။ ဒီဖျော်ဖြေပွဲကတော့ ဒေါ်မာမာအေးရဲ့ ပရိသတ်တွေ နှစ်သက်သဘောကျစွဲမက်နှစ်ခြိုက်စေခဲ့တဲ့ မြန်မာ့ဂီတအနုပညာ ရသအပြည့် ပေးစွမ်းဆုံးပွဲတစ်ပွဲလည်း ဖြစ်ခဲ့ပါတယ်။ ဒေါ်မာမာအေးရဲ့ ပွဲမှာတော့ ဂီတအနုပညာရှင်ကြီးတွေရဲ့ သီဆိုဖျော်ဖြေမှုတွေနဲ့အတူ မျိုးဆက်သစ်တွေရဲ့ သီဆိုဖျော်ဖြေမှုတွေကိုလည်းမြင်တွေ့ခဲ့ရပါတယ်။ ဒီပွဲကိုတော့ အခွေအနေနဲ့ ပြန်လည် ထုတ်လုပ်ဖြန့်ချိဖို့ အစီအစဉ်မရှိဘူးလို့လည်းသိရပါတယ်။
”များသောအားဖြင့် မြန်မာဂီတလောကသားများက ပရိသတ်တွေကို အမိအဖ လို့ သဘောထားကြပါတယ်။ အန်တီ ဒီအသက်ဒီအရွယ်ရောက်လာလို့ မွေးနေ့ပွဲလေးလုပ်တဲ့အခါ လာစုပြီးတော့ ကိုယ့်ရဲ့ပရိသတ်များ ကိုယ့်ရဲ့ လူကြီးမိဘများကို အဉ္ဇလီဆိုတဲ့ ဂါရဝလာပြုတဲ့ သဘောပါပဲ။ ကျွန်မကတော့ လူကြီးရယ် လူငယ်ရယ်မှ မဟုတ်ပါဘူး။ ပရိသတ်တွေနဲ့ ထိတွေ့ စေချင်ပါတယ်။ ဒါပေမဲ့ အကုန်လုံး ထိတွေ့ပေးဖို့ကျတော့ မလွယ်ဘူးလေ။ အဲဒီတော့ ဘယ်သူအရေးအကြီး ဆုံးလဲလို့ စဉ်းစားလိုက်တဲ့အခါ ကိုယ့်ရဲ့ ရှေ့ကလူကြီးတွေက တဖြည်းဖြည်းနဲ့ ၈ဝ တွေကျော်ကုန်ပြီ။ တဖြည်းဖြည်းနဲ့ တဖြုတ်ဖြုတ် ကြွေနေပြီ။ လက်ချိုးရေလို့ ရတာလောက်ပဲ ကျန်တော့တာဆိုတော့ ဒီပုဂ္ဂိုလ်တွေကို နဂိုတုန်းကဆိုခဲ့တဲ့ အသံနဲ့ အခုအသံနဲ့ ကွာသွားပြီ ဆိုတာ လူတိုင်းသိပါတယ်။ ဒါပေမဲ့ ဒီလိုမျိုးအချိန်မှာ သူတို့ရဲ့စေတနာ မေတ္တာ၊ သူတို့ရဲ့ ဆိုနိုင်ပုံဆိုနိုင်နည်းနဲ့ မဆိုနိုင်တော့တဲ့ လူတွေ လည်း ပါတာပေါ့။ မဆိုနိုင်တဲ့ လူကိုလည်း ဆိုနိုင်အောင် လူကြီးတွေ စိတ်အားတက်အောင်ပါပဲ။ ဘာကြောင့်လဲဆိုတော့ ငါတို့တွေ မဆိုနိုင် တော့ဘူးဆိုပြီးတော့ အားပြတ်သွားတာလေးက တဖြည်းဖြည်းနဲ့ ဖြစ်လာပြီလေ။ ဇရာတွေလည်း ရလာကြပြီ။ အဲဒီတော့ အဆုံးစွန်ဆုံး ကိစ္စတွေကို မတွေးတောခင်မှာ အန်တီက နောက်ဆုံးရှိတဲ့ အားမာန်လေးနဲ့ ပြည်သူလူထုကို တွေ့စေချင်တာ။ အန်တီတို့က ငယ်ငယ်လေးကတည်းက ဂီတကို ဝါသနာပါလို့ တစ်သက်လုံးဆို လာကြတာပဲ။ အခုထက်ထိလည်း ဆိုတုန်းပဲ။ ဆိုလို့ရတဲ့အထိ ဆိုတယ်ဆိုတာ ပရိသတ်ကို ပြောချင်တာပါ” လို့ ၇၅ နှစ်ပြည့် မွေးနေ့အထိမ်းအမှတ် ပြုလုပ်တဲ့ ဂီတဖျော်ဖြေပွဲနဲ့ ပတ်သက်ပြီး ဒေါ်မာမာအေးက ပြောပြပါတယ်။ ဒီဇင်ဘာလ ၁၆ ရက်နေ့မှာတော့ မန္တလေးအမျိုးသားဇာတ်ရုံမှာ ဒေါ်မာမာအေးရဲ့ စိန်ရတုအဉ္ဇလီ ဖျော်ဖြေပွဲကို ပြုလုပ်ဦးမှာဖြစ်ပါတယ်။
လင်းအက္ခရာ