နိုင်ငံပေါင်း (၁၄)နိုင်ငံပါဝင် ယှဉ်ပြိုင်မည့် မြင်းစီးတန်းခုန်ပြိုင်အတွက် မြန်မာကိုယ်စားပြု ဝင်ရောက်ယှဉ်ပြိုင်မည့် မြင်းစီးကစားသမား ကျော်ဝဏ္ဏအောင်သည် ယနေ့ ထိုင်းနိုင်ငံသို့ ထွက်ခွာပြီဖြစ်ကြောင်း သိရသည်။
၎င်းအနေဖြင့် ဖေဖော်ဝါရီ (၂၂)ရက်တွင် ထိုင်းနိုင်ငံ ၊ပတ္တားယားမြို့ Thai Polo and Equestrian Club Pattaya ၌ ယှဉ်ပြိုင်ကစားသွားရမည်ဖြစ်သည်။
ယခုနှစ် ထိုင်းနိုင်ငံ ၊ ပတ္တယားမြို့တွင် အာရှမြင်းစီး အားကစားအဖွဲ့ချုပ်က ကြီးမှူး၍ Asian Equestrian Federation Cup C.S.I.Y-B Pattaya 2025 မြင်းစီးတန်းခုန်ပြိုင်ပွဲ ကျင်းပနေခြင်းဖြစ်ပြီး၊ ပြိုင်ပွဲအား ဖော်ဖော်ဝါရီ(၂၀) ရက်မှ (၂၂)ရက်အထိ (၃)ရက်ကြာ ပြုလုပ်သွားမည်ဖြစ်သည်။
မြန်မာကစားသမား ကျော်ဝဏ္ဏအောင်နှင့်အတူ မြန်မာနိုင်ငံမြင်းစီးအားကစားအဖွဲ့ချုပ် ဗဟိုအလုပ် အမှုဆောင်နှင့် Show Jumping & Dressage ကော်မတီ ဥက္ကဋ္ဌ ဒေါ်ခင်နှင်း
ပွင့်ပြုံး၊ အဖွဲ့ချုပ် အလုပ်အမှုဆောင်နှင့် Show Jumping Cost Designer ဦးချမ်းမြေ့ဝင်း၊ Show Jumping & Dr essage Coach ဒေါ်အိသက်မွန်တို့ လိုက်ပါသွားကြောင်း သိရသည်။