နိုင်ငံတော်နှင့်တပ်မတော်ကအားထားရသူများဖြစ်အောင် ဆက်လက်ကြိုးပမ်းကြရန် ထူးချွန်ဆုရရှိသူများအား တပ်ချုပ်မှာကြား

နိုင်ငံတော်နှင့်တပ်မတော်ကအားထားရသူများ၊ လက်အောက်ကအားကိုးရသူများဖြစ်အောင် ဆက်လက်ကြိုးပမ်းသွားကြရန် ထူးချွန်ဆုရရှိသူများအား နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က မှာကြားသည်။

၎င်းမှ ဖေဖော်ဝါရီ ၂၁ ရက်နံနက်ပိုင်းက ဗထူးမြို့၊ တပ်မတော်(ကြည်း)ဗိုလ်သင်တန်းကျောင်း(ဗထူး)စစ်ရေးပြကွင်း၌ကျင်းပသည့် ဗိုလ်လောင်းသင်တန်းအမှတ်စဉ်(၁၂၈)သူရတပ်ခွဲ၏ သင်တန်းဆင်းဂုဏ်ပြုစစ်ရေးပြအခမ်းအနားအပြီးတွင် ထူးချွန်ဆုရရှိသူများနှင့် ၎င်းတို့၏ မိဘဆွေမျိုးများကိုတွေ့ဆုံ၍ ဂုဏ်ပြုအမှာစကားပြောကြားရာ၌ ထည့်သွင်းပြောကြားခဲ့ခြင်းဖြစ်သည်။

သင်တန်းကာလတစ်လျှောက် စဉ်ဆက်မပြတ်ကြိုးစားအားထုတ်မှုနှင့် မိမိကိုယ်ကိုထိန်းသိမ်းဆောင်ရွက်တတ်သည့် အခြေခံကောင်းများကို ဘဝတစ်လျှောက်လုံးဆက်လက်ထိန်းသိမ်းသွားကြရမည်ဟု မှာကြားသည်။

ထို့ပြင် ရှေ့ဆက်လက်လျှောက်လှမ်းရမည့် ဘဝခရီးတစ်လျှောက်လုံးတွင်လည်း မိဘများ၊ ဆရာ၊ ဆရာမများကသွန်သင်ပဲ့ပြင်ပေးခဲ့သည့် အခြေခံကောင်းများ ယခုသင်တန်းမှရရှိခဲ့သည့် မိမိဘဝတိုးတက်မှုရှိစေရေး ကြိုးစားအားထုတ်နိုင်မှု၊ မိမိကိုယ်ကိုထိန်းသိမ်းနိုင်မှု၊ စည်းကမ်းကောင်းမွန်မှုခြေခံအလေ့အကျင့်ကောင်းများကို ဆက်လက်ထိန်းသိမ်း၍ စဉ်ဆက်မပြတ် ဆက်လက်ကြိုးစားအားထုတ်သွားကြရမည်ဟု မှာ ကြားသည်။

ထို့အတူ မိမိတို့တွင်ရှိပြီးဖြစ်သည့် အခြေခံကောင်းများကို ဆက်လက်ထိန်းသိမ်း၍ မိမိဘဝတိုးတက်အောင်၊ မိမိရည်မှန်းချက်များမပျောက် ပျက်ရအောင် ဆက်လက်ကြိုးစားအားထုတ်သွားရမည်ဖြစ်ကာ မိမိတို့ဘဝတိုးတက်ရေးအတွက် အထောက်အကူဖြစ်စေမည့် အသိပညာ၊ အတတ်ပညာများကို စဉ်ဆက်မပြတ်ဖတ်မှတ်လေ့လာခြင်းဖြင့် ဆက်လက်ဆည်းပူးလေ့လာနေရမည်ဟု မှာကြားခဲ့သည်။

ဗိုလ်လောင်းသင်တန်းအမှတ်စဉ်(၁၂၈)သူရတပ်ခွဲ၌ အကောင်းဆုံးဗိုလ်လောင်းဆုအား ဗိုလ်လောင်းသက်နိုင်စိုး၊ စစ်ရေးပြအကောင်းဆုံးဆုအား ဗိုလ်လောင်းနေသွေး၊ ‌ေ-သနတ်ပစ်အကောင်းဆုံးဆုအား ဗိုလ်လောင်းအောင်လွင်ဌေးနှင့် ကြံ့ခိုင်ရေးအကောင်းဆုံးဆုအား ဗိုလ်လောင်းစန်းဇော်ဦးတို့က ရရှိခဲ့ကြသည်။