Rap သီချင်းတွေ သီဆိုတဲ့ ဟစ်ဟော့ပ်အဆိုတော် ရဲနောင်ရဲ့ ရုပ်ရှင် အနုပညာ ခရီးအတွက် ဒီဇာတ်ကားက ပထမဆုံးခြေလှမ်းဖြစ်သလို သူ့အစ်ကို ဒါရိုက်တာ အာကာအတွက်လည်း ပထမဦးဆုံးခြေလှမ်းဖြစ်နေတယ်။ ‘ဒုဋ္ဌဝတီကိုလွန်၍’ ရုပ်ရှင် ဇာတ်ကား မေလ ၄ ရက်နေ့မှာ ရုံတင်ပြသတော့မယ်။ ဇာတ်လမ်း၊ ဇာတ်ညွှန်း ရဲနောင်က စတင်တယ်။ အစ်ကိုဖြစ်သူ အာကာက ရိုက်ကူးတယ်။ အွန်လိုင်းမှာဆိုရင် လည်း ထွက်လာတော့ပါ၊ အားပေးကြမယ်ဆိုပြီး ပြောကြတဲ့သူတွေက ဒုနဲ့ဒေး။
“အဓိကက ကျွန်တော်တို့အတွက် စိတ်ခွန်အားက အရေးကြီးပါတယ်။ ကျွန်တော် တို့က ရုပ်ရှင်ဇာတ်ကားတစ်ကားရဲ့ အမြတ်သည်၊ အရှုံးသည် အရေးမကြီးပါဘူး။ ကျွန်တော်တို့အတွက် အရေးကြီးတာက အားပေးတဲ့စကားပါ။ ကောင်း တယ်၊ ကြိုက်တယ်ဆိုတဲ့စကားဟာ အရာရာတစ်ခုခုကို တွန်းလှန်ရမယ့်၊ တိုက်ပွဲဝင်ရမယ့်အချိန်မျိုးမှာ ကျွန်တော်တို့အတွက် အရေးကြီးပါ တယ်။ အဲဒီအတွက်ကြောင့်မို့လို့ စိတ်ဓာတ်ခွန်အားကို တအား တောင့်တပါတယ်။ မျှော်လင့်ပါတယ်။ ကျွန်တော်တို့ အစွမ်းကုန် ကြိုးစားထားပါတယ်။ စောင့်ကြည့်ပေးပါ။ ကျေးဇူးအများကြီး တင်ပါတယ်” လို့ ရဲနောင်က ပြောပါတယ်။
‘ဒုဋ္ဌဝတီကိုလွန်၍’ ရုပ်ရှင်ဇာတ်ကားရဲ့ ဇာတ်ဝင်တေး သီချင်းကို သီဆိုထားသူကလည်း နာမည်ကျော် အဆိုတော်ကြီး လေးဖြူ၊ သိပ်ကို ပြီးပြည့်စုံသွားပါပြီ။ လေးဖြူကို သီဆိုပေးဖို့ ရဲနောင်တို့ ဘယ်လိုပြောခဲ့ရသလဲလို့ မေးတော့ …
“ကျွန်တော့် Band ထဲက ဒရမ်တီးတဲ့ သားပေါက်က သီချင်းရေးတယ်။ တီး လည်းတီးထားပေးတယ်။ အကြမ်းပါဆိုထားပေးတယ်။ ကျွန်တော့် အမြင်မှာ ဒီသီချင်းက ကိုလေးဖြူနဲ့ ကွက်တိအိုကေမယ်လို့ ထင်တယ်။ အဲဒါနဲ့ ကျွန်တော်က ကိုအာကာ့ကို ကိုလေးဖြူကို သီဆို ခိုင်းဖို့ တွန်းအားပေးတယ်။ နောက်ဆုံးတော့ ကိုလေးဖြူကို သွားတိုင်ပင် တဲ့အခါမှာ ကိုလေးဖြူက သဘောကျတယ်။ ကိုလေးဖြူက ပြောဖူးတယ်။ ဒီသီချင်းက ကိုလေးဖြူအနေနဲ့ရော၊IC Band အနေနဲ့ရော ရုပ်ရှင်ဇာတ်ကားတစ်ကားအတွက် သူများရဲ့ သီချင်းကို သီဆိုဖူးတယ် ဆိုတာကို။ ကျွန်တော်တို့အတွက်လည်း ဝမ်းသာဂုဏ်ယူတယ်။ ကိုလေးဖြူသီဆိုတာ ဂီတလောကမှာ အောင်မြင်ပြီးသား၊ တော်ပြီးသား၊ တတ်ပြီးသား ပုဂ္ဂိုလ်တွေ။ သူတို့အနေနဲ့ ကျွန်တော်တို့ကို အခုလိုမျိုး ကူညီပေးတာကို အတိုင်းမသိ ဝမ်းသာပါတယ်” လို့ ရဲနောင်က ပြောပြခဲ့ ပါတယ်။
မျိုးမောင်
ဓာတ်ပုံ-ဇော်ဝင်းအောင်