မြန်မာနိုင်ငံဆိုင်ရာ ထိုင်းသံရုံးမှ ကြီးမှူးပြီး မြန်မာနိုင်ငံ၏ အကြီးဆုံးထိုင်းသီချင်းဆိုပြိုင်ပွဲကြီး “T-Pop Star Challenge Myanmar Season 2” ကို ကျင်းပသွားမည်ဖြစ်ကြောင်း သိရသည်။
အဆိုပါ သီချင်းဆိုပြိုင်ပွဲကို “Thai Festival 2025 ” ပွဲတော်ကြီး၏ အစိတ်အပိုင်းတစ်ခုအဖြစ် ထည့်သွင်းကျင်းပသွားမည်ဖြစ်သည်။
“T-Pop Star Challenge Myanmar Season 2″တွင် ဇကာတင်ပြိုင်ပွဲဝင် (၈) ဦးမှ တို-က်ရို-က် (Live) ဖျော်ဖြေတင်ဆက်သွားမည်ဖြစ်ပြီး၊ Winner ဆုရရှိသူက ဆုကြေးငွေအဖြစ် “ငွေသား ၃,၂၀၀ USD” ကိုလည်း ပေးသွားမည်ဖြစ်ကြောင်း သိရသည်။
“Thai Festival 2025” ပွဲတော်ကြီးကို ဇွန်လ (၂၁)ရက်၊ (၂၂) ရက်များအတွင်း ရန်ကုန်မြို့တွင်ရှိသည့် Novotel Yangon Max Hotel Ballroom တွင် ထိုင်းသံရုံးမှ ဦးဆောင်ပြီး ပြန်လည်ကျင်းပသွားမည်ဖြစ်သည်။
ပွဲတော်ကြီး၌ ထိုင်းအစားအစာများနှင့် အဖျော်ရည်များ၊ အလှကုန်ပစ္စည်းများနှင့် ဖက်ရှင်များ၊ ခရီးသွားဝန်ဆောင်မှုများ၊ ဆက်သွယ်ရေးဝန်ဆောင်မှုများ၊ ကျန်းမာရေးဆိုင်ရာ ရရှိနိုင်မည့် Package များနှင့် ထိုင်းအနုပညာဆိုင်ရာပစ္စည်းများကို ဆိုင်ခန်းပေါင်း (၆၀) ဝန်းကျင်ဖြင့် ခင်းကျင်းပြသသွားမည်ဖြစ်ကြောင်း သိရသည်။