ထရမ့်ပ်နှင့်အချိန်မရွေးဆွေးနွေးရန်အဆင်သင့်ရှိ–ပူတင်

မော်စကို၊ဒီဇင်ဘာ ၁၉

ယူကရိန်းငြိမ်းချမ်းရေးသဘောတူညီချက်ကိုသမ္မတဖြစ်ပြီးနာရီပိုင်းအတွင်း ချိုးဖောက်နိုင်သည်ဟု ပြောကြားခဲ့သည့် အမေရိကန်ရွေးကောက်ခံသမ္မတ ဒေါ်နယ်ထရန့်နှင့် အချိန်မရွေးတွေ့ဆုံဆွေးနွေးရန် အဆင်သင့်ရှိကြောင်း ရုရှားသမ္မတပူတင်ကပြောကြားခဲ့သည်။

ဇန်နဝါရီလ၌ အိမ်ဖြူတော်တွင် သမ္မတတာဝန် ပြန်လည်ထမ်းဆောင်မည့် ဒေါ်နယ်ထရမ့်ပ်အနေဖြင့် မော်စကိုအတွက် အခွင့်အရေးသာသည့် စည်းကမ်းချက်များဖြင့် ငြိမ်းချမ်းရေးကိုလက်ခံရန် ယူကရိန်းကို ဖိအားပေးနိုင်သည်ဟုလည်း ကိဗ်တွင် စိုးရိမ်မှုများမြင့်တက်လာခဲ့သည်။

ကြာသပတေးနေ့ကပြုလုပ်ခဲ့သည့် နှစ်ပတ်လည်သတင်းစာရှင်းလင်းပွဲ၌ ပူတင်က ရုရှားတပ်များသည် စစ်မြေပြင်ကို အသာစီးယူထားသည်ဟု ပြောကြားခဲ့သော်လည်း ရုရှားနိုင်ငံ အနောက်တောင်ပိုင်း ကာ့စ်ဒေသမှ ယူကရိန်းတပ်များကို မည်သည့်အချိန်၌ တိုက်ထုတ်နိုင်မည်ကို မသိကြောင်းလည်းပြောကြားခဲ့သည်။

“ထရမ့်ပ်နဲ့ ဘယ်တော့တွေ့မယ်ဆိုတာမသိပါဘူး၊သူလည်း အခုထိဘာမှမပြောသေးဘူး၊စကားမပြောဖြစ်တာတော့လေးနှစ်ကျော်ပါပြီ တွေ့ဆုံဆွေးနွေးမယ်ဆိုရင်လဲ ဘယ်အချိန်ပဲဖြစ်ဖြစ်ဆွေးနွေးဖို့အဆင်သင့်ဖြစ်နေပါပြီ” ဟု ပူတင်ကပြောကြားခဲ့သည်။

“အကယ်၍ အမေရိကန်ရွေးကောက်ခံသမ္မတ ထရမ့်ပ်နဲ့သာတွေ့ဆုံရမယ်ဆိုရင် ကျွန်တော်တို့မှာ ဆွေးနွေးစရာတွေအများကြီးရှိမှာသေချာပါတယ်” ဟုလည်း ၎င်းကပြောကြားခဲ့သည်။

အမေရိက ကထောက်ပံ့ပေးထားသည့် ဒုံးကျည်များကို ရုရှားပိုင်နက်ထဲအထိ တိုက်ခိုက်ရန် ကိဗ်ကို အသုံးပြုခွင့်ပေးလိုက်သည့် သမ္မတဂျိုးဘိုင်ဒင်၏ဆုံးဖြတ်ချက်အပေါ် ထရမ့်ပ်ကဝေဖန်ခဲ့သည့်အတွက်လည်း ခရမ်မလင်နန်းတော်က ထောက်ခံကြိုဆိုလိုက်ကြောင်းသိရသည်။

Source : သည်မော်စကိုတိုင်းမ်စ်