မြန်မာနိုင်ငံအတွင်းသို့ တရားမဝင်ဝင်ရောက်လာပြီး Online လိမ်လည်မှုနှင့် ဒုစရို-က်မှုများကျူးလွန်ခဲ့ကြသည့် တရုတ်နိုင်ငံသား(၃၁)ဦးအပါအဝင် ပြည်ပနိုင်ငံသား(၅၁)ဦးကို အောက်တိုဘာ ၁၃ ရက်က ထပ်မံစစ် ဆေးဖော်ထုတ်ထိန်းသိမ်းခဲ့ကြောင်း သိရသည်။
တရုတ်နိုင်ငံသား(၃၁)ဦး၊ ဖိလစ်ပိုင်နိုင်ငံသား(၁၅)ဦး၊ အင်ဒိုနီးရှားနိုင်ငံသား(၄)ဦးနှင့် ပါကစ္စတန်နိုင်ငံသား(၁) ဦးတို့ကို ထပ်မံထိန်းသိမ်းနိုင်ခဲ့ခြင်းဖြစ်ကာ ၎င်းတို့အား သက်ဆိုင်ရာနိုင်ငံများသို့အမြန်ဆုံးပြန်လည်လွှဲပြောင်းပေးနိုင်ရန် လိုအပ်သည့် ကိုယ်ရေးအချက်အလက်များနှင့် မှတ်တမ်းများစာရင်းကောက်ယူမှုများအား တာဝန် ရှိသူများကပြုလုပ်ခဲ့ကြကြောင်း သိရသည်။
၂၀၂၅ ခုနှစ်၊ ဇန်နဝါရီ ၃၀ ရက်မှ အောက်တိုဘာ ၁၃ ရက်အထိ မြန်မာနိုင်ငံအတွင်းသို့ တရားမဝင်ဝင်ရောက် လာသည့် ပြည်ပနိုင်ငံသား(၉,၄၉၀)ဦးကို စစ်ဆေးဖော်ထုတ်ထိန်းသိမ်းနိုင်ခဲ့ကာ ၎င်းတို့အနက်(၉,၃၃၇)ဦးကို ထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေလုပ်ထုံးလုပ်နည်းများနှင့်အညီ စနစ်တကျ လွှဲပြောင်းပေးအပ်ခဲ့ပြီးဖြစ်ကြောင်း သိရသည်။
ထို့ပြင် ကျန်ရှိသည့် ပြည်ပနိုင်ငံသား(၁၅၃)ဦးကိုလည်း သက်ဆိုင်ရာနိုင်ငံများသို့ လွှဲပြောင်းပေးရန်အသင့်ဖြစ်နေပြီဖြစ်၍ ကောင်းမွန်စွာထိန်းသိမ်းထားကြောင်း သိရသည်။