မြူးနစ်၊ဖေဖော်ဝါရီ ၁၅
ရေနံနှင့်သဘာဝဓါတ်ငွေ့ဝယ်ယူခြင်းဖြင့် တရုတ်က ရုရှား ကို ထောက်ပံ့နေသည်ဟူသော သံသယများကြားမှပင် နှစ်နိုင်ငံအကြား စီးပွားရေးနှင့်ကုန်သွယ်ရေးသည် ပုံမှန်အတိုင်းဆက်ရှိနေမည်ဟု တရုတ်နိုင်ငံခြားရေးဝန်ကြီးဝမ်ယိကပြောကြားခဲ့သည်။
တရုတ်နိုင်ငံခြားရေးဝန်ကြီး ဝမ်ယိသည် မြူးနစ်လုံခြုံရေးညီလာခံ၌ “China in the World” ဟူသောခေါင်းစဉ်ဖြင့် မိန့်ခွန်းပြောကြားပြီးနောက် အမေးအဖြေများဖြေကြားရာ၌ ယခုကဲ့သို့ ပြောကြားခဲ့ခြင်းဖြစ်သည်။
တရုတ်နှင့်ရုရှားတို့သည် အဓိကအားဖြင့် နယ်နိမိတ်ချင်း ရှည်လျားစွာထိစပ်နေသည့်နိုင်ငံများဖြစ်ကြသကဲ့သို့ တစ်ဖက်နှင့်တစ်ဖက် မဟာမိတ်မဟုတ်၊ထိပ်တိုက်ရင်ဆိုင်ခြင်းမရှိ၊မည်သည့်နိုင်ငံကိုမျှရည်ရွယ်ခြင်းမရှိသည့် မိတ်ဖက်ဆက်ဆံရေးမျိုးကိုထူထောင်ခဲ့ခြင်းမျိုးသာဖြစ်သည်ဟုလည်းဆိုခဲ့သည်။
ထို့အတွက်ကြောင့် နှစ်နိုင်ငံကြားရှိ စီးပွားရေးနှင့်ကုန်သွယ်ရေးအတွက်ဆက်ဆံမှုသည် မည်သို့ပင်ဖြစ်စေ ပုံမှန်အတိုင်းသာဆက်လည်ပတ်နေလိမ့်မည်ဖြစ်သည်ဟုပြောကြားခဲ့သည်။
အကယ်၍ ရုရှားထံမှရေနံနှင့်သဘာဝဓါတ်ငွေ့ဝယ်ယူခြင်းမရှိပါက လူဦးရေ ၁ ဒသမ ၄ ဘီလျံရှိသည့်ပေကျင်းအတွက် လိုအပ်လာမည့် လောင်စာအရင်းအမြစ်ကို မည်သည့်နေရာမှရရှိနိုင်ပါမည်နည်းဟုလည်းဝမ်ကပြောကြားခဲ့သေးသည်။
Source : ရှင်းဟွာ