ဉာဏ်ရည်တုနည်းပညာဖြင့် ခံတွင်းကင်ဆာရှိ,မရှိ သိနိုင်ပြီ

ဩဂုတ် ၂၅

‘ဉာဏ်ရည်တု နည်းပညာခေတ်တွင် ခံတွင်းကင်ဆာ သတိပြု’ ဟူသော စာကို စိတ်ဝင်တစားဖတ်ရှုပြီးနောက် ဉာဏ်ရည်တုသည် တိကျသည့် ဆေးဘက်ဆိုင်ရာ ခံတွင်းပုံရိပ်များကို ခွဲခြမ်းစိတ်ဖြာမှုတွင် သိသိသာသာ တိုးတက်လာသည်ကိုတွေ့ရှိခဲ့ရသည်။ ဉာဏ်ရည်တုက ခံတွင်းကင်ဆာ ရှိ၊မရှိမှု စစ်ဆေးမှု၌တိုးတက်စေရန် အလွန်အကျိုးရှိစွာ အထောက်အကူပြုနိုင်မည်ဟု ယုံကြည်ပါသည်။

သို့သော်လည်း လက်တွေ့ကုသမှုအတွေ့အကြုံများက ပြသနေသည်မှာ၊ ပါးစပ်ကင်ဆာ ရှိ၊မရှိ စီစစ်ခြင်းတွင် လက်ရှိ ဉာဏ်ရည်တု နည်းပညာအတွက် အရေးကြီးသော စိန်ခေါ်မှုတစ်ရပ် ရှိနေကြောင်း ဖော်ပြသည်။

အတိအကျမဟုတ်သော ခံတွင်းဆိုင်ရာ အကြောင်းအရင်းများ (ဥပမာ ပူလောင်သောခံစားမှု၊ နာကျင်ကိုက်ခဲခြင်း၊ ဆီးချိုရောဂါ)၊ မကြာခဏဆိုသလို ပါးစပ်ပူလောင်ခြင်းရောဂါလက္ခဏာ(BMS) အဖြစ်သာ ကနဦးစစ်ဆေးတွေ့ရှိလေ့ရှိသည်။ ဤ BMS ကဲ့သို့သော လက္ခဏာများသည် စိတ်ဖိစီး‌သော ခံစားချက်များ၏ လက္ခဏာရပ်များဖြစ်ပြီး ထင်ရှားပေါ်လွင်သော ဒဏ်ရာများ (သို့) မျက်မြင်ဖြင့်သေချာစွာ မတွေ့မြင်နိုင်သောအခါအရာများဖြစ်၍ တိတိကျကျခွဲခြားရန်ခက်ခဲပါသည်။

လေ့လာမှုများက အတိအကျမဟုတ်သော ရောဂါလက္ခဏာများကို ဖော်ထုတ်ရာတွင် အေအိုင်၌ အကန့်အသတ် များရှိ နေသည်။ လက်ရှိတွင် ကျွမ်းကျင်သူဆရာဝန်များ၏ ကုသမှုဆိုင်ရာ စီရင်ဆုံးဖြတ်ခြင်းများကသာ အကောင်းဆုံးဖြစ်သည်။

ဉာဏ်ရည်တု AI ရောဂါရှာဖွေရေးကိရိယာများကို အဓိကအားဖြင့် သိရှိနိုင်ရန် လေ့ကျင့်သင်ကြားပေးထားသည့် ပုံမှန်မြင်သာထင်သာအချက်များမပါလျှင် ခွဲခြားရန်အလွန်ခက်ခဲသည်။ အချို့သော ခံတွင်းကင်ဆာများ၊ အထူးသဖြင့် ခံတွင်းအမြှေးအောက်ရှိ endophytic OSCC များသည် အစောပိုင်းအဆင့်တွင် မျက်မြင်သေချာစွာမတွေ့နိုင်လျှင် ရောဂါကိုဖော်ထုတ်ရန် ခက်ခဲသည်။

ဉာဏ်ရည်တု AI သည် အမြင်အာရုံဖြင့် ကြည့်၍အချက်အလက်များတွင် ပုံစံများကို ခွဲခြားသတ်မှတ်ရာတွင် ထူးချွန်သော်လည်း ရောဂါလက္ခဏာများ အတိအကျမဟုတ်သည့်အပြင် ထင်ရှားသောအချက်အလက်များ  သို့မဟုတ် ပိုင်းခြားရန်ခက်ခဲသည့်ကိစ္စများတွင် ၎င်း၏အပလီကေးရှင်းသည် ကန့်သတ်ချက်များရှိနိုင်သည်။ ဤလူနာများအတွက်၊ အသေးစိတ်လူနာမှတ်တမ်းနှင့် ဂရုတစိုက်နောက်ဆက်တွဲအဖြစ် ပါးစပ်အတွင်း နာကျင်မှုတစ်ခုခုရှိမရှိကို အကဲဖြတ်ရန် ဦးခေါင်းနှင့်လည်ပင်းစစ်ဆေးမှုအပါအဝင် စေ့စေ့စပ်စပ်လက်တွေ့ချဉ်းကပ်မှုသည် အရေးကြီးဆုံးဖြစ်နေဆဲဖြစ်သည်။

ထို့ကြောင့် ကျွန်ုပ်တို့သည် ဉာဏ်ရည်တု AI ၏ တိုးတက်မှုများကို လက်ခံယုံကြည်လျှင် ၎င်း၏ အကန့်အသတ်ဖြင့်သာ ရှိနေသော စွမ်းရည်ကိုပါ လက်ခံရန်လိုပါသည်။ အထူးသဖြင့် ရှုပ်ထွေးသောကုသမှုများတွင် ပို၍အရေးကြီးပါသည်။

ကင်ဆာရောဂါအဖြစ် မပေါ်သေးသည့် လူနာများ၊ သို့မဟုတ် အထူးသီးသန့်မဟုတ်သော လက္ခဏာများဖြင့် လာရောက်ကြသော လူနာများအတွက် လိုအပ်သည်မှာ သတိထား၍ စောင့်ကြပ်မှု၊ မျိုးစုံပေါင်းစပ်ထားသည့် စမ်းသပ်စစ်ဆေးမှုများနှင့် လက်ရှိအခြေအနေများကို သေချာစွာ စဉ်းစားဆောင်ရွက်ခြင်းဖြစ်သည်။လိုအပ်သော ဆေးဘက်ဆိုင်ရာ လုပ်ဆောင်ချက်များကသာ ကင်ဆာကို အစောဆုံးတွေ့ဆုံနိုင်မည် ဖြစ်ပါသည်။

Ref: ဘီဒီဂျေ