မြန်မာ – ထိုင်း နယ်စပ်ကုန်သွယ်ရေး ရပ်တန့်မှုကို အကြောင်းပြ၍ ဈေးကွက်အတွင်းထိုင်းကုန်စည်များ ဈေးနှစ်ဆခန့်မြင့်တက်နေကြောင်း စုံစမ်းသိရှိရသည်။
နယ်စပ်လမ်းကြောင်း ပိ-တ်မှုကြောင့် ကုန်သည်အချို့သည် ကုန်ပစ္စည်းများကို သိုလှောင်ထားခြင်း၊ ဈေးကစားခြင်းများလည်း ပြုလုပ်မှုများရှိနေကြောင်းလည်း သိရသည်။
” ရုတ်တရက်ပိတ်လိုက်တာဆိုတော့ ခဏတော့ ဒုက္ခရောက်သွားမှာပေါ့။ မကြာခင်တော့ပြန်ဖွင့်ပေးမှာပါ။ Free trade တော့မဖြစ်တော့ဘူးပေါ့။ လိုင်စင်တွေလိုလာမယ်။ Tax တွေလိုလာမယ်။ အခုဆိုရင် ပိတ်တာမှတစ်ပါတ်ပဲရှိသေးတယ်။ ပစ္စည်းတွေပြတ်နေပြီ။ ဒါတွေဆိုမဖြစ်သင့်ဘူး” ဟု ကုန်သည် တစ်ဦးက ပြောသည်။
လက်ရှိဈေးကွက်အတွင်း ထိုင်းကုန်စည်များနေရာတွင် မြန်မာထုတ်ကုန်များဖြင့် အစားထိုးရောင်းချမှုများရှိလာပြီး ယင်းကဲ့သို့ လုပ်ဆောင်ခြင်းသည် ပြည်တွင်းထုတ်ကုန်ကို အားပေးရာရောက်ကြောင်း ၎င်းက ဆက်လက်ပြောကြားသည်။
မြန်မာ – ထိုင်းနယ်စပ်ဂိတ်ကို ရုတ်တရက် ပိတ်လိုက်ခြင်းကြောင့် ထိုင်းဘက်ခြမ်းတွင် မြန်မာဘက်သို့ဝင်မည့် ကုန်ကားအစီးရေ (၅၀၀) ဝန်းကျင် လက်ရှိအချိန်ထိ ပိတ်မိနေကြောင်းလည်း သိရသည်။