စူပါမော်ဒယ်လောကထိုင်းဝင်ဆန့်နိုင်ရေးညိုမီကမ့်ဘဲလ်အကူအညီတောင်း

ဆော့ဖ်ပါဝါမြှင်တင်ရေးနှင့် နိုင်ငံသားများ ပိုမိုကြွယ်ဝစေရေး အစီအစဉ် ၏ တစ်စိတ်တစ်ပိုင်းအဖြစ် ထိုင်းလူမျိုးများက ကမ္ဘာ့အဆင့်မီ မော်ဒယ်လောကတွင် ဝင်ဆန့်နိုင်ရေးအတွက် ၎င်း၏ စိတ်ကူးကို အကြံညဏ်ပေးရန်အတွက် စူပါမိုဒယ် ညိုမီကမ့်ဘဲလ်သည် နောက်လတွင် ထိုင်းနိုင်ငံသို့ လာရောက်မည်ဖြစ်ကြောင်း ထိုင်းဝန်ကြီးချုပ်ဟောင်း သက်ဆင်က ပြောကြားခဲ့သည်။

မစ္စ ကမ့်ဘဲလ်သည် ဖေဖော်ဝါရီလ ၈ ရက် နေ့မှ ၁၀ ရက် နေ့ အထိ နိုင်ငံတွင် ရောက်ရှိနေထိုင်မည်ဖြစ်ကာ ထိုင်းလူမျိုးများကို သူကဲ့သို့ စူပါမော်ဒယ်တစ်ဦးဖြစ်လာရန် မည်သို့မည်ပုံလုပ်ဆောင်သင့်သည်များနှင့်ပတ်သက်၍ အကြံညဏ်များပေးသွားမှာဖြစ်ကြောင်း စနေနေ့က နာခွန် ဖနွမ် တက္ကသိုလ်တွင် သက်ဆင်က ပြောကြားခဲ့သည်။

ကျေးလက်ဒေသများမှသည် ထိပ်တန်းအဆင့်တွင်ရှိနေသော ကျား/မ မရွေး အလားအလာရှိသည့် ထိုင်းလူမျိုးများအားလုံးကို စိစစ်၍ ကမ္ဘာ့အဆင့်မော်ဒယ်များဖြစ်လာစေရန် လေ့ကျင့်ပေးသွားမည်ဖြစ်ကြောင်းနှင့် တစ်ခုတည်းသော သတ်မှတ်ချက်မှာ ခွဲ-စိတ်ပြုပြင်ထားခြင်းမရှိသော သဘာဝအသွင်အပြင်အတိုင်းဖြစ်ရမည်ဖြစ်ကြောင်း ပြောကြာခဲ့သည်။

ခွဲ-စိတ်ပြုပြင်ထားခြင်းမရှိတဲ့ ထိုင်းလူမျိုးတွေရဲ့ သဘာဝအလှတရားကို ထုတ်ပြသွားမှာပါ” ဟု နာခွန်ဖနွမ် ပြည်နယ် မုအမ် ခရိုင်တွင် ပြည်နယ်အုပ်ချုပ်ရေးအဖွဲ့ ဥက္ကဌနေရာအတွက် ရွေးကောက်ပွဲဝင်မည့် ဖြူထိုင်းကိုယ်စားလှယ် အနူချစ် ဟောင်ဆာဒီးအတွက် ထောက်ခံမဲဆွယ်ရာ၌ သူက ထနုကဲ့သို့ ပြောကြားခဲ့သည်။

“ကမ္ဘာ့အဆင့်မီ စူပါမော်ဒယ်တစ်ယောက်ဖြစ်လိုတဲ့ စိတ်အားထက်သန်သူတိုင်း ဒီအစီအစဉ်မှာပါဝင်ဖို့ရာ သူတို့ရဲ့ တဲပုတ်လေးထဲကနေ ထွက်လာနိုင်ပါတယ်” ဟု သက်ဆင်က ပြောကြားခဲ့သည်။

ထိုင်းနိုင်ငံတွင် ဒေသန္တရအစိုးရအဖွဲ့ အကြီးအကဲနေရာများအတွက် ဖေဖော်ဝါရီ ၁ ရက်တွင် နိုင်ငံလုံးဆိုင်ရာ ရွေးကောက်ပွဲကျင်းပမည်ဖြစ်သည်။

Ref: ဘန်ကောက်ပို့စ်