မန္တလေး ငလျင်ကြီးကြောင့်လုပ်ငန်းများ ယာယီရပ်ဆိုင်းထားရသည့် ပုဂ္ဂလိကဟိုတယ်များအား ခရီးသွားရာသီအမှီလုပ်ငန်းများ အမြန်ဆုံးပြန်လည် လည်ပတ်လုပ်ကိုင်နိုင်ရေးအတွက် ပြင်ဆင်ဆောင်ရွက်သွားမည်ဖြစ်ကြောင်း သိရသည်။
အဆိုပါ ကိစ္စနှင့် ပတ်သက်သည့် ညှိနှိုင်းအစည်းအဝေးကို နေပြည်တော်ရှိ သက်ဆိုင်ရာဝန်ကြီးဌာနတွင် ယမန်နေ့က ကျင်းပခဲ့သေးသည်။
ယင်းညှိနှိုင်းအစည်းအဝေး၌ ပြည်ထောင်စုဝန်ကြီးက ငလျင်ဘေးဒ-ဏ်သင့်ဒေသများရှိ ဟိုတယ်များမှ ပြန်လည်ပြုပြင်မွမ်းမံနေမှု အခြေအနေများနှင့် ကြုံတွေ့နေရသောအခက်အခဲများကို ကူညီပံ့ပိုးပေးနိုင်ရန် မြေပြင်ကွင်းဆင်းဆောင်ရွက်နေမှု အခြေအနေများ၊ ဟိုတယ်များမှ ဧည့်သည်များ ပြန်လည်လက်ခံဆောင်ရွက်နေမှုအခြေအနေများ၊ အကြောင်းအမျိုးမျိုးကြောင့်လုပ်ငန်းများ ယာယီရပ်ဆိုင်းထားသောဟိုတယ်များ အမြန်ဆုံးပြန်လည်ဖွင့်လှစ်လုပ်ကိုင်နိုင်ရေးပြင်ဆင်ဆောင်ရွက်နေမှုအခြေအနေများ၊ ဟိုတယ်များအနေဖြင့် မြို့တော်အင်္ဂါရပ်များနှင့်အညီ သန့်ရှင်းသာယာလှပနေစေရေးနှင့် ဟိုတယ်ဆိုင်ရာ ဝန်ဆောင်မှုအဆင့်အတန်းများမြင့်မားလာစေရန် ဆွေးနွေးမှာကြားခဲ့သည်။
ထို့ပြင် ဗီယက်နမ်နိုင်ငံမှ ရင်းနှီးမြှုပ်နှံမှုဖြင့် ရန်ကုန်မြို့၌နိုင်ငံတကာအဆင့်မီ ဟိုတယ်နှင့် စီးပွားရေးဆိုင်ရာ အဆောက်အဦးများ ပါဝင်သောစီမံကိန်းများကို အကောင်အထည်ဖော်ဆောင်ရွက်လျက်ရှိသည့် Hoang Anh Gia Lai Myanmar Company Limited (HAGL Myanmar)၏ စီမံကိန်းအလို က်အကောင် အထည်ဖော်ဆောင်ရွက်နေမှုများ၊ ဆက်လက်ဆောင်ရွက်သွားမည့်အစီအမံများကို သက်ဆိုင်ရာ နှစ်ဘက်တာဝန်ရှိသူများနှင့် ဆွေးနွေးခဲ့ကြကြောင်းလည်း သိရသည်။