ဂျပန်တောမီးကြီးကို ငြိမ်းရန်မီးသတ်သမား၁၄၀၀ဖြန့်ကျက်ချထား

ဂျပန်နိုင်ငံမြောက်ပိုင်းတွင် ယခုအခါ ငါးရက်မြောက်ရှိလာပြီဖြစ်သော တောမီးလေ-ာင်ကျွမ်းမှုများကို ထိန်းချုပ်ရန် မီးသတ်သမား ၁,၄၀၀ နှင့် ကိုယ်ပိုင်ကာကွယ်ရေးတပ်ဖွဲ့မှ စစ်သည် ၁၀၀ ဝန်းကျင်ခန့်ကို ဖြန့်ကျက်ခဲ့သည်။

မီးလောင်ကျွမ်းမှုများသည် အကြမ်းအားဖြင့် ဟက်တာ ၁,၃၇၃ ခန့်အထိ ပျံ့နှံ့သွားပြီး ယခင်ရက်ကထက် ၇ ရာခိုင်နှုန်းမြင့်တက်လာကာ ကမ်းရိုးတန်းမြို့ အော့ဆူချီကို ခြိမ်းခြောက်လျက်ရှိသည်။

ရဟတ်ယာဉ်နှစ်စင်းက မီးလေ-ာင်ကျွမ်းနေသော တောအုပ်များပေါ်သို့ ရေများလောင်းချနေပြီး ၃၀ ကီလိုမီတာအကွာမှ အနံ့ရနိုင်သော မီးခိုးတန်းကြီးသည် အော့ဆူချီမြိ့အနီးတောင်ကြားမှ ပေါ်ထွက်လာသည်ကို မြင်တွေ့ရသည်။

အော့ဆူချီမြို့တွင် တောမီးနီးကပ်နေသော နေအိမ်များအနီးရှိ သစ်တောများကို မီးသတ်ကားများဖြင့် ရေဖျန်းပက်နေခဲ့သည်။

အော့ဆူချီမြို့ လူဦးရေ၏ သုံးပုံတစ်ပုံခန့်ဖြစ်သော အိမ်ထောင်စု ၁,၅၄၁ စု သို့မဟုတ် လူဦးရေ ၃,၂၃၃ ဦးကို ဘေးလွတ်ရာရွှေ့ပြောင်းရန် အမိန့်များထုတ်ပြန်ထားသည်။

ယခုအချိန်အထိမူ ခိုလှုံရေးစင်တာတွင် အသေးစားဒ-ဏ်ရာရှိသူ တစ်ဦးသာရှိကြောင်း သတင်းရရှိသည်။ ရက်ပိုင်းအတွင်း မိုးရွာသွန်းနိုင်ခြေမရှိနိုင်ဟု ခန့်မှန်းထားသော်လည်း နောက်သီတင်းပတ်အစောပိုင်းတွင် မိုးအနည်းငယ်ရွာသွန်းနိုင်ကြောင်း ခန့်မှန်းထားသည်။ တောမီးလေ-ာင်ကျွမ်းရသည့် အကြောင်းရင်းကို စုံစမ်းစစ်ဆေးနေဆဲဖြစ်သည်။

ပိုမိုခြောက်သွေ့လားသည့် ဆောင်းရာသီအခြေအနေများကြောင့် တောမီးလောင်ကျွမ်းမှုအန္တရာယ်မြင့်တက်လာခဲ့သည်။ ပြီးခဲ့သည့်အစောပိုင်းက အီဝါတီမြို့တွင်ဖြစ်ပွားခဲ့သော တောမီးလေ-ာင်ကျွမ်းမှုသည် ရာစုနှစ်ဝက်ကျော်အတွင်း ဂျပန်နိုင်ငံ၏ အဆိုးဝါးဆုံးတောမီးဖြစ်ခဲ့သည်။

လူသားများက ရုပ်ကြွင်းလောင်စာများကို မီးရှို့ခြင်းကြောင့် ဖြစ်ပေါ်လာသော ရာသီဥတုပြောင်းလဲမှုသည် မိုးခေါင်ရေရှားကာလများကို ပိုမိုရှည်ကြာ ပြင်းထန်စေမည်ဟု သိပ္ပံပညာရှင်များက ကြာမြင့်စွာကတည်းက သတိပေးထားခဲ့ကာ ယင်းအခြေအနေများသည် တောမီးလေ-ာင်ကျွမ်းရန် အကောင်းဆုံးအခြေအနေများကို ဖန်တီးပေးခဲ့သည်။

Ref: ဖတ်စ်ပို့စ်