လတ်တလောတွင် ယာယီစျေးနေရာသစ် သတ်မှတ်ပေးထား
ဓနုဖြူမြို့မဈေး မီးလေ-ာင်မှုဖြစ်ပွားခဲ့သည့်နေရာတွင် ဈေးသစ်တည်ဆောက်ပေးသွားမည်ဖြစ်ပြီး လတ်တလောတွင် ယာယီစျေးနေရာသစ် သတ်မှတ်ပေးထားကြောင်း သိရသည်။
ဧရာဝတီတိုင်းဒေသကြီး မအူပင်ခရိုင်၊ ဓနုဖြူမြို့ရှိ မြို့မဈေးတွင် ဧပြီလ (၂၆)ရက်နေ့ နံနက် (၆)နာရီ ကျော်အချိန်ခန့်က မီးလေ-ာင်မှုဖြစ်ပွားခဲ့ပြီး ယင်းမီးလေ-ာင်မှုဖြစ်ပွားခဲ့သော မြို့မဈေးသို့ ဧရာဝတီတိုင်းဒေသကြီး ဝန်ကြီးချုပ် ဦးအေးကျော် ၊ အမျိုးသားလွှတ်တော်ကိုယ်စားလှယ် ဦးအောင်ကျော်မင်း နှင့် တိုင်းအဆင့် ဌာနဆိုင်ရာအကြီးအကဲများလာရောက်ခဲ့ကာ မီးလေ-ာင်မှုဖြစ်ပွားခဲ့သောမြို့မဈေးနေရာတွင် ဈေးသစ်ကြီးပြန်လည်တည်ဆောက်ပေးရန် ညွှန်ကြားခဲ့ကြောင်း သိရသည်။
“လောလောဆယ် ဈေးကို ဈေးဘေးနားက အဆင်ပြေတဲ့နေရာလေးမှာ သူတို့ဆိုင်လေးတွေပြန်ဖွင့်ဖို့ ချက်ချင်းပေါ့နော်၊ ယာယီရက်ပိုင်းအတွင်ပြန်ဖွင့်လှစ်နိုင်ဖို့ နေရာလေးစီစဉ်ပေးဖို့ရယ်၊ နောက်တစ်ခုက ယာယီဈေး ဖွင့်ဖို့၊ ယာယီဈေးကဘယ်နေရာလဲဆိုတော့ ဓနုဖြူမြို့မှာ မြို့တော်ခန်းမဆောက်ဖို့အတွက် စီစဉ်ထားတဲ့မြေကွက်လပ်ရှိတယ်။အဲ့မြေကွက်လပ်မှာယာယီဈေး ဆောက်ပေးဖို့ ဆိုင်တွေဖွင့်နိုင်ဖို့ အဲ့ဒါလေးတော့ စီစဉ် ပေးခဲ့တယ် ဈေးကြီးအသစ်ပြန်ဆောက်ဖို့လည်း ဒီဇိုင်းဆွဲဖို့ကိုလည်း တိုင်းစည်ပင်ညွှန်မှူးကိုလည်း ဝန်ကြီးချုပ်က မှာခဲ့ပြီ´´ဟု အမျိုးသားလွှတ်တော်ကိုယ်စားလှယ် ဦးအောင်ကျော်မင်းက ပြောသည်။
“အခုဈေးမီးလေ-ာင်မှုမှာပါရှိသွားတဲ့ ဆိုင်ခန်းပိုင်ရှင်ပြည်သူတွေအတွက်ကတော့ စိတ်တော့မကောင်းဘူးပေါ့ဗျာ၊ ဘာပဲပြောပြော ဘယ်လိုပဲနောက်ပိုင်းမှာကူညီထောက်ပံ့တယ်ပြောပြော လောလောဆယ်တော့သူတို့က လူတွေတော့မထိခို-က်ဘူးဆိုပေမယ့် ပစ္စည်းဥစ္စာတွေတော့ဆုံးရှုံးသွားပြီးပေါ့၊အဲ့အတွက်တော့စိတ်မကောင်းပါဘူး ၊ ဒါပေမယ့် နိုင်ငံတော်အစိုးရရော ကျန်တဲ့အဖွဲ့အစည်းတွေကပါ အတက်နိုင်ဆုံးသူတို့ ပြန်ပြီးထူထောင်နိုင်ဖို့အတွက် ဝိုင်းကူညီကြမှာပါ”ဟု အမျိုးသားလွှတ်တော်ကိုယ်စားလှယ် ဦးအောင်ကျော်မင်းက ဆက်လက်ပြောကြားခဲ့သည်။
ဓနုဖြူမြို့မဈေးကြီးတွင် ဈေးရုံ (၂၀)ရုံရှိပြီး ဆိုင်ခန်းပေါင်း (၄၁၀)ရှိရာ အဆိုပါမီးလေ-ာင်မှုဖြစ်စဉ်ကြောင့် ဈေးရုံ (၁၃)ရုံနှင့် ဆိုင်ခန်းပေါင်း(၂၇၁) ခန်း မီးလေ-ာင်ဆုံးရှုံးခဲ့ကြောင်းသိရသည်။