စစ်ရေးပဋိပက္ခများကြောင့် ကရင်ပြည်နယ်၊ ကော့ကရိတ်မြို့ရှိ မီးလောင်ပျက်စီးနေအိမ်များကို ပြည်နယ်အစိုးရအဖွဲ့အစီအစဥ်၊ နေအိမ်ပိုင်ရှင်ကိုယ်တိုင်အစီအစဥ်တို့ဖြင့် ဖျက်သိမ်းရှင်းလင်းခြင်းများကို မေ ၁၆ ရက်မှစတင်၍ဆောင်ရွက်လျက်ရှိသည်။
ကော့ကရိတ်မြို့၊ အမှတ်(၅)ရပ်ကွက်၊ ဗိုလ်ချုပ်လမ်း၊ မာန်အောင်လမ်းနှင့် ရတနာလမ်းတို့ရှိနေအိမ်များကို ပထမဦးစားပေးအစီအစဉ်ဖြင့် ဖျက်သိမ်းရှင်းလင်းခဲ့ရာ မေ ၁၈ ရက်နံနက် ၁၁ နာရီတွင် ပထမဦးစားပေးဖျက်သိမ်းရှင်းရေးလုပ်ငန်းများအားဆောင်ရွက်ပြီးစီးခဲ့သည်။
ထိုသို့ ဖျက်သိမ်းရှင်းလင်းခြင်းများကို ပြည်နယ်အစိုးရ အဖွဲ့၏ စိုက်ပျိုးရေး၊ မွေးမြူရေးနှင့် ဆည်မြောင်းဝန် ကြီးဦးအောင်လွင်၊ ကော့ကရိတ်မြို့နယ်ပြည်သူ့လွှတ် တော်ကိုယ်စားလှယ်နှင့်တာဝန်ရှိသူများကကြည့်ရှုစစ် ဆေးခဲ့ကြသည်။
ထို့ပြင် ယနေ့ မေ ၁၉ ရက်တွင်လည်း ကော့ကရိတ်မြို့ နယ်ပြည်သူ့လွှတ်တော်ကိုယ်စားလှယ်နှင့် တာဝန်ရှိသူ များက အမှတ်(၅)ရပ်ကွက်နှင့် အမှတ်(၆)ရပ်ကွက်တို့ရှိ မီးလောင်ပျက်စီးဆုံးရူံးခဲ့ရသောနေအိမ်ပိုင်ရှင်များနှင့်တွေ့ဆုံ၍ ရပ်ကွက်(၅)မှ ဦးစားပေးအစီအစဉ်(၂)ဖြင့်ဖျက်သိမ်းရှင်းလင်းရေးလုပ်ငန်းများအတွက် ရှင်းလင်းဆွေးနွေးခဲ့ကြသည်။
ထို့ပြင် အမှတ်(၆)ရပ်ကွက်၊ ဗိုလ်ချုပ်လမ်းရှိ မီးလောင်ပျက်စီးနေအိမ်ပိုင်ရှင်များက ၎င်းတို့အစီအစဉ်ဖြင့်ဖျက်သိမ်းမည့်နေအိမ်များကိုလည်း ကြည့်ရူစစ်ဆေးခဲ့ကြသည်။