တောင်ကိုရီးယားမှ ယခုနှစ်အတွက် နိုင်ငံခြားသား EPS လု ပ်သား (၂၀,၀၀၀) ကျော်ခေါ်ယူမည်ဖြစ်ကြောင်း ယင်းနိုင်ငံရှိ အလုပ်သမားအရေး ဆောင်ရွက်သူများ၏ ပြောပြချက်အရ သိရသည်။
တောင်ကိုရီးယား အစိုးရအနေဖြင့် မြန်မာအပါအဝင် နိုင်ငံ (၁၇) နိုင်ငံရှိ အလုပ်သမားများကို ခေါ်ယူသွားမည်ဖြစ်ပြီး အသုတ်လိုက် (၅) ကြိမ်ခေါ်ယူမည်ဖြစ်ပြီး ပထမအသုတ်တွက် (၂၀,၀၀၀) ကျော်ခေါ်ယူမည်ဖြစ်ကြောင်း သိရသည်။
၂၀၂၅ ခုနှစ်အတွက် ပထမဆုံးအလုပ်ခေါ်ယူခြင်းကို မတ်လအတွင်း စတင်မည်ဖြစ်ပြီး ကိုရီးယားအလုပ်ရှင်များအနေဖြင့် ဖေဖော်ဝါရီ (၁၀) ရက်မှ (၂၁) ရက်အတွင်း စာရင်းသွင်းလျှောက်ထားရမည်ဖြစ်ကြောင်း ပထမအသုတ်တွင် မြန်မာနိုင်ငံမှ လုပ်သားဦးရေ မည်မျှပါဝင်မည်ကို မသိရသေးကြောင်း သိရသည်။
ယင်းတွင် လုပ်ငန်းအမျိုးအစားအလိုက် ခေါ်ဆိုမည့် လုပ်သားအရေအတွက်မှာ ကုန်ထုတ်လုပ်ငန်းအတွက် (၁၆၃၂၈) ဦး၊ သင်္ဘောကျင်းလုပ်ငန်းအတွက် (၆၂၅)ဦး၊ စိုက်ပျိုးမွေးမြူရေးလုပ်ငန်းအတွက် (၂၃၄၇) ဦး၊ ရေလုပ်ငန်းအတွက် (၂၀၇၇) ဦး၊ ဆောက်လုပ်ရေးလုပ်ငန်းအတွက် (၄၄၅) ဦးဖြစ်ကြောင်း သိရသည်။
မြန်မာနိုင်ငံမှ တောင်ကိုရီးယားသို့ နှစ်စဥ်လုပ်သား (၁၀,၀၀၀) နီးပါးစေလွှတ်နေပြီး လက်ရှိတွင် မြန်မာလုပ်သား (၇၀,၀၀၀) ကျော်ရောက်ရှိ လုပ်ကိုင်နေကြောင်း သိရသည်။