အမေရိကန်၊ ကနေဒါနှင့် မက္ကဆီကိုနိုင်ငံတို့တွင် ပူးတွဲအိမ်ရှင်အဖြစ် လက်ခံကျင်းပနေသည့် ၂၀၂၆ ဖီဖာကမ္ဘာ့ဖလား (2026 FIFA World Cup) ပြိုင်ပွဲကြီး၏ ကွာတားဖိုင်နယ်ပွဲစဉ်များ ပြီးဆုံးသွားခဲ့ပြီးနောက်၊ FIFA World Rankings (ကမ္ဘာအဆင့်သတ်မှတ်ချက်) ၏ ထိပ်ဆုံးလေးသင်းစလုံး ပထမဆုံးအကြိမ် ထိပ်ဆုံးလေးသင်းစလုံး ဆီမီးဖိုင်နယ် (Semi-finals) သို့ အသီးသီး တက်ရောက်လာနိုင်ခဲ့ကြောင်း သိရသည်။
ကမ္ဘာ့ဖလားပြိုင်ပွဲ သမိုင်းတစ်လျှောက်တွင် ဖီဖာကမ္ဘာ့အဆင့် (၁) မှ (၄) အတွင်းရှိသော ကမ္ဘာ့အင်အားကြီးအသင်းများ ဆီမီးဖိုင်နယ်အဆင့်သို့ တစ်ပြိုင်နက်တည်း အတူတကွ တက်လှမ်းနိုင်ခဲ့ခြင်းမှာ ယခုအကြိမ်သည် ပထမဆုံးအကြိမ် ဖြစ်ပွားခဲ့သည့် သမိုင်းဝင်ဖြစ်ရပ်တစ်ခု လည်း ဖြစ်သည်။
ဆီမီးဖိုင်နယ်သို့ တက်ရောက်လာသည့် ဖီဖာကမ္ဘာ့အဆင့်အမြင့်ဆုံး အသင်း ၄ သင်းမှာ ပြင်သစ် (France) အဆင့် (၁)၊ အာဂျင်တီးနား (Argentina) အဆင့် (၂)၊ စပိန် (Spain) အဆင့် (၃)နှင့် အင်္ဂလန် (England) ဖီဖာကမ္ဘာ့အဆင့် (၄) တို့လည်း ဖြစ်သည်။
မြန်မာစံတော်ချိန် အရ လာမည့် ဇူလိုင်လ ၁၅ ရက် မနက်အစောပိုင်း ၀၁း၃၀ ပြင်သစ်နှင့် စပိန်၊ ဇူလိုင်လ ၁၆ ရက် နံနက် ၀၁:၃၀ နာရီတွင် အင်္ဂလန်နှင့် အာဂျင်တီးနားတို့ ဖိုင်နယ်တက်လှမ်းရေးအတွက် အကြိတ်အနယ်ယှဥ်ပြိုင် သွားကြမည်လည်း ဖြစ်သည်။