ONE ၏ ပွဲစဉ်များဖြင့် ဝေးကွာနေသော မြန်မာစပါးအုံးဟု တင်စားခေါ်ဝေါ် ခံရသည့် ကချင်တိုင်းရင်းသားဖိုက်တာ အောင်လအန်ဆန်းသည် လာမည့် စက်တင်ဘာလ(၆) ရက်တွင် တူရကီနိုင်ငံသားဖိုက်တာ ရှာမေးလ် အာဒိုဂန် ဖြင့် ယှဉ်ပြိုင်ထိုးသ-တ်သွားမည်ဖြစ်ကြောင်း တရားဝင် အသိပေးထုတ်ပြန်လာပြီ ဖြစ်သည်။
ပြိုင်ဘက်နှစ်ဦးအနေဖြင့် အမေရိကန်နိုင်ငံ ဒန်ဗာမြို့တွင် ကျင်းပပြုလုပ်မည့် ONE 168 ပွဲစဉ်၏ ခြောက်ထောင့် ကြိုး ဝိုင်းအတွင်း ယှဉ်ပြိုင်ထိုးသ-တ်သွားမည်ဖြစ်ကာ ၂၀၂၄ ခုနှစ်အတွင်း အောင်လအန်ဆန်း၏ ပထမဆုံးပွဲစဉ်တစ်ခုလည်းဖြစ်သည်။
တူရကီနိုင်ငံသားဖိုက်တာ ရှာမေးလ် အာဒိုဂန် က အောင်လအန်ဆန်အား နှစ်ချီမပြည့်ခင် အလဲထိုး သွားမည်ဟု ကြုံးဝါးထားသလို အောင်လအန်ဆန်းဘက်ကလည်း သုံးချီအတွင်း အမြန်ပွဲသိမ်းနိုင်ရန် ကြိုးစားလေ့ကျင့် ပြင်ဆင်နေသည်ဟု ဆိုထားသည်။
အာဒိုဂန်နှင့် ထိုးသ-တ်မည့် ယခု ပွဲစဉ်သည် အောင်လအန်ဆန်းအတွက် အရေးကြီးထိုးသ-တ်ရမည့် ပွဲစဉ်တစ်ခုဖြစ်ပြီးယင်းပွဲကို အနိုင်ရရှိပါက မစ်ဒယ်ဝိတ်တန်းချန်ပီယံ ခါးပါတ်လုပွဲအတွက် ဆုံးဖြတ်ချက်ချသွားရမည်ဖြစ်ကြောင်း သိရသည်။
အဆိုပါ ပြိုင်ပွဲတွင် တွဲဆိုင်း(၁၂) ဆိုင်း ပါဝင်မည်ဖြစ်ကာ ခေါင်တွဲဆိုင်းအနေဖြင့် ဂျိုနသန် ဟက်ကာတီ၏ ဘမ်တန်ဝိတ်တန်း မွေထိုင်းခါးပတ်ကို စူပါလတ်က စိန်ခေါ်ထိုးသွားမည်ဖြစ်ကာ ဒုတိယခေါင်တွဲဆိုင်းတွင် ကိတ်ရူလိုတိုလိုနှင့် မိုက်ကီတို၏ Submission Grappling ချန်ပီယံပွဲစဉ် တို့ ပါဝင်မည်ဖြစ်သည်။
