တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်( NCA) မှာ လက်မှတ်ရေးထိုးထားသည့် အဖွဲ့အစည်းအားလုံးအနေဖြင့် NCA ယန္တရားကို အပြည့်အဝအသုံးချပြီး အနှစ်သာရရှိသည့် ဆွေးနွေးမှုများလုပ်ဆောင်ကြရန် မြန်မာနိုင်ငံဆိုင်ရာ အိန္ဒိယ သံအမတ်ကြီး H.E Mr. Abhay Thakur က တိုက်တွန်းပြောကြားခဲ့ကြောင်း သိရသည်။
ယမန်နေ့ အောက်တိုဘာ(၁၅)ရက်နေ့က ကျင်းပသည့် NCA ၁၀ နှစ်ပြည့် နှစ်ပတ်လည်နေ့အခမ်းနားတွင် ဂုဏ်ပြုစကားပြောကြားသည့်အချိန် အိန္ဒိယ သံအမတ်ကြီးက အထက်ပါအတိုင်းထည့်သွင်းပြောကြားခဲ့ခြင်းဖြစ်သည်။
၁၀ နှစ်ပြည့် အထိမ်းအမှတ်မှာ NCA မှသည် ရေရှည်တည်တံခိုင်မြဲသည့် ငြိမ်းချမ်းရေးဖြင့် အနာဂတ်ကို ပုံဖော်မည် ဆိုသည့် ဆောင်ပုဒ်ကိုလည်း အိန္ဒိယနိုင်ငံက ကြိုဆိုကြောင်းနှင့် NCA သည် မြန်မာနိုင်ငံ၏ ကြာညောင်းလှပြီဖြစ်သည့် ပြည်တွင်းပြသာနာများကိုဖြေရှင်းဖို့ရန် လက်ရှိမှာရှိနေသည့် တစ်ခုတည်းသောမူဘောင်ဖြစ်ကြောင်းလည်း သံအမတ်ကြီးကပြောသည်။
“ ဒီမိုကရေစီနဲ့ ဖက်ဒရယ်စနစ်အပေါ် အခြေခံတဲ့ ထင်သာမြင်သာရှိပြီး ရေရှည်ခိုင်မြဲမယ် ဆွေးနွေးညိနှိုင်းမှုရလဒ်တွေရအောင်ကြိုးပမ်းကြဖို့ အလေးနက်တို-က်တွန်းတယ်” ဟု သံအမတ်ကြီး ကပြောသည်။
ထို့ပြင် လက်တွေ့မကျတဲ့ ကြိုတင်သတ်မှတ်ချက်တွေမထားဘဲ NCA ကတဆင့် သက်ဆိုင်သာအားလုံးပါဝင်ဆွေးနွေးမှုများ အမြင်ချင်းဖလှယ်မှုများကိုလည်း မြှင့်တင်ပေးနိုင်မည်ဟု မျှော်လင့်ကြောင်းလည်း သံအမတ်ကြီး ကပြောကြားခဲ့သည်။