ယခုနှစ်ဘောလုံးရာသီတွင် ပရိသတ်အားပေးမှု အခိုင်အမာရရှိနေသည့် MNL U-20 League 2026 ၏ Week-3 ပွဲစဉ်များကို ဇွန်လ (၅) ရက်နေ့မှ စတင်ကာ ကျင်းပသွားတော့မည်ဖြစ်သည်ဟု မြန်မာနေရှင်နယ်လိဂ်ကော်မတီက ယနေ့တွင် အသိပေးထုတ်ပြန်သည်။
ယခု Week- 3 တွင် အမှတ်ပေးဇယား အပြောင်းအလဲဖြစ်စေနိုင်သည့် အကြိတ်အနယ်ပွဲစဉ်များပါဝင်နေပြီး အဓိကစောင့်ကြည့်ရမည့် ပွဲစဉ်များအနေဖြင့် (၂)ပွဲကစား (၂)ပွဲနိုင်ရလဒ်ဖြင့် ရာနှုန်းပြည့်နိုင်ပွဲရရှိထားသည့် Galaxy FC နှင့် အမှတ်ပေးဇယားအဆင့်(၃)နေရာ၌ ရပ်တည်နေသည့် ISPE FC တို့ထိပ်တိုက်တွေ့ဆုံမည် ဖြစ်သည်။
အလားတူ နိုင်ပွဲရရှိရန် ရုန်းကန်နေရသည့် နာမည်ကြီး ဒဂုံစတားယူနိုက်တက်နှင့် Falcon FC တို့၏ ပွဲစဉ်အပါအဝင် ရလဒ်ကောင်းရရှိရန် ကြိုးစားနေသည့် ရတနာပုံအက်ဖ်စီနှင့် မြဝတီအက်ဖ်စီတို့လည်းထိပ်တိုက်တွေ့ဆုံကြမည်ဖြစ်သည်။
ထို့အပြင် ဧရာဝတီယူနိုက်တက်နှင့် ရန်ကုန်ယူနိုက်တက်အသင်း၊ ဟံသာဝတီယူနိုက်တက်နှင့် ရှမ်းယူနိုက်တက်၊ သစ္စာအားမာန်နှင့် ရန်ကုန်စီးတီးအသင်း၊ ချင်းလန်းနှင့် စစ်ကိုင်းယူနိုက်တက်အသင်းတို့လည်း ထိပ်တိုက်တွေ့ဆုံကြမည်ဖြစ် သည်။
Week-3 ပွဲစဉ်တွင် ရာနှုန်းပြည့်နိုင်ပွဲရထားသည့် အသင်းများဖြစ်သော Galaxy FC နှင့် ရန်ကုန်ယူနိုက်တက်တို့ နိုင်ပွဲဆက်မလား သို့မဟုတ် အောက်ဆုံးအဆင့်မှ အသင်းများက အံ့အားသင့်ဖွယ် ရလဒ်များ ဖန်တီးပြမလားဆိုသည်မှာ စိတ်ဝင်စားဖွယ် စောင့်ကြည့်ရမည့် အခြေ အနေဖြစ်သည်။