နှစ်စဉ်ကျင်းပမြဲဖြစ်သည့် Goethe Institut Myanmar Christmas Bazaar ပွဲတော်သို့ လာရောက်ရန် ဖိတ်ခေါ်ထားသည်။
အဆိုပါ ခရစ္စမတ်ဈေးပွဲတော်ကို ၂၀၂၅ ခုနှစ်၊ ဒီဇင်ဘာလ ၇ ရက်တွင် ကျင်းပပြုလုပ်သွားမည်ဖြစ်ပြီး လူမှုအသိုက်အဝန်းနှင့် အားလုံးအကျုံးဝင်မှု (inclusion)ကို အထူးအလေးထား ကျင်းပသွားမည်ဖြစ်သည်။
ယခုနှစ်အတွက် မသန်စွမ်းအသိုက်အဝန်းများနှင့် ဂုဏ်ယူစွာ လက်တွဲဆောင်ရွက်သွားမည်ဖြစ်ပြီး၊ မသန်စွမ်းသူများ၏ အခွင့်အရေးများ ပိုမိုတိုးတက်ကောင်းမွန်လာစေရန် ကြိုးပမ်းလုပ်ဆောင်နေသော အဖွဲ့အစည်းများနှင့် အဓိကလုပ်ဆောင်သွားမည်ဖြစ်ကြောင်း သိရသည်။
ဈေးပွဲတော်ကို ရေရှည်တည်တံ့မှု၊ ပြည်တွင်းလက်မှုပညာနှင့် အသိုက်အဝန်းစိတ်ဓာတ်တို့ကို ဦးတည်ပြီး ကျင်းပသွားမည်ဖြစ်ကာပတ်ဝန်းကျင်ကို မထိခို-က်စေသည့် (eco-friendly) ထုတ်ကုန်များကို လာရောက်ကြည့်ရှုဝယ်ယူနိုင်ကြောင်း သိရသည်။
ထို့ပြင် မသန်စွမ်းမိတ်ဖက်အဖွဲ့အစည်းများ ခင်းကျင်းပြသထားသည့် ကုန်ပစ္စည်းများ၊ လက်မှုပညာပစ္စည်းများ၊ ကွတ်ကီးများနှင့် အမှတ်တရပစ္စည်းများကို လေ့လာဝယ်ယူဖို့လည်း ဖိတ်ခေါ်ထားဖြစ်သည်။
အဆိုပါပွဲကိုကမ္ဘာအေးဘုရားလမ်း နှင့် နတ်မောက်လမ်းထောင့်၊ ဗဟန်းမြို့နယ်၊ ရန်ကုန်မြို့ရှိ Goethe-Institut Myanmar ၌ ဒီဇင်ဘာလ ၇ ရက် (တနင်္ဂနွေနေ့) နံနက် ၉:၃၀ မှ ညနေ ၅:၃၀ အထိ ကျင်းပပြုလုပ်သွားမည်ဖြစ်သည်။