ရန်ကုန်၊ စက်တင်ဘာ ၄
Fire Dragon International Futsal Cup 2026 ပြိုင်ပွဲတွင် လာရောက်ယှဉ်ပြိုင်မည့် ထိုင်းဖူဆယ်ကလပ် Black Pearl United အသင်းသည် ယနေ့ စက်တင်ဘာ ၄ ရက် နံနက်ပိုင်းတွင် ရန်ကုန်မြို့သို့ ရောက်ရှိလာကြောင်း သိရသည်။
Black Pearl United အသင်းသည် Fire Dragon International Futsal Cup 2026 ပြိုင်ပွဲ အုပ်စု (ခ)တွင် မြန်မာကလပ်အသင်းများဖြစ်သည့် MIU၊ YRG နှင့် M2K အသင်းတို့နှင့် တစ်အုပ်စုတည်း ကျရောက်နေသည်။
အဆိုပါပြိုင်ပွဲသို့ Black Pearl United အသင်းသည် စီနီယာအသင်းဖြင့် လာရောက်ယှဉ်ပြိုင်ခြင်းမဟုတ်ဘဲ အကယ် ဒမီလူငယ်အသင်းကို စေလွှတ်ယှဉ်ပြိုင်ခြင်းဖြစ်ကြောင်း အသင်း၏ ထုတ်ပြန်ချက်အရ သိရသည်။
Fire Dragon International Futsal Cup 2026 ပြိုင်ပွဲကို စက်တင်ဘာ ၆ ရက်မှ ၁၂ ရက်အထိ ရန်ကုန်မြို့ရှိ MFF Futsal Indoor Stadium တွင် ကျင်းပသွားမည်ဖြစ်သည်။
ဓာတ်ပုံ- Black Pearl United