၂၀၂၅ ဇွန်လမှာ မြန်မာဘာသာ (ယူနီကုတ်) နှင့် မြန်မာဘာသာ (ဇော်ဂျီ) တို့အကြား အလိုအလျောက်စာသား ပြောင်းလဲခြင်းကို Facebook နှင့် Messenger ပေါ်တွင် မြင်တွေ့ရတော့မည် မဟုတ်တော့ကြောင်း အသိပေးကြေညာထားပြီးဖြစ်ပြီး ယခုအချိန်တွင် မြန်မာဘာသာ (ယူနီကုတ်) နှင့် မြန်မာဘာသာ (ဇော်ဂျီ) တို့အကြား အလိုအလျောက်စာသား ပြောင်းလဲခြင်းကို ပိ-တ်လိုက်ပြီဖြစ်ကြောင်း ယနေ့ ဇူလိုင်လ (၁၅) ရက်မှာ Meta Myanmar က အတည်ပြုကြေညာလိုက်ကြောင်း သိရသည်။
ကြေညာချက်အပေါ် အလေးပေးဖတ်ရှုပြီး ပူးပေါင်းပါဝင်ပေးသူများအားလုံးကို ကျေးဇူးတင်ရှိကြောင်း နှင့် ဖုန်းတွင် မြန်မာဘာသာ (ယူနီကုတ်) သို့ မည်သို့ပြောင်းလဲရမည်နှင့် ပတ်သက်ပြီးသိရှိလိုပါက ယခုပေးထားသည့် Link -https://www.facebook.com/help/1824022561788685 ကတဆင့် ဖတ်ရူနိုင်ကြောင်း လည်း အသိပေးထားသည်။
ဖုန်းထဲက ဘာသာစကားဆက်တင်ကို မြန်မာဘာသာ (ဇော်ဂျီ) ဟု သတ်မှတ်ထားဆဲဖြစ်ပြီး မြန်မာဘာသာ (ယူနီကုတ်) ကို မပြောင်းလဲထားပါက၊ Facebook စာမျက်နှာမှာ ရှိသည့် အကြောင်းအရာ အပြည့်အစုံကို ဖတ်ရှု၍ ရနိုင်မည်မဟုတ်ကြောင်း သိရသည်။
မြန်မာဘာသာ (ဇော်ဂျီ) နှင့် ထည့်သွင်းထားသည့် အကောင့်အမည်များသည်လည်း မှန်ကန်စွာ ပေါ်မည်မဟုတ်သလို ပိုစ်တင်ထားသည့် အချိန်တွင်လည်း အခြားသူများက မှန်ကန်စွာမြင်ရမည်မဟုတ်ကြောင်း Meta က အသိပေးထားသည်။